علی گڑھ مسلم یونیورسٹی میں ۸؍ سال بعد طلبہ یونین کے انتخابات منعقد ہوئے، جن میں نعمان اشرف صدر منتخب ہوئے، جبکہ نشریٰ نعیم نے پہلی خاتون نائب صدر بن کر تاریخ رقم کردی۔

نشریٰ نعیم علی گڑھ مسلم یونیورسٹی طلبہ یونین (AMUSU) کی نائب صدر منتخب ہونے والی پہلی خاتون بن گئی ہیں۔ ان کی یہ کامیابی تاریخی اہمیت رکھتی ہے، کیونکہ یونیورسٹی میں ۸؍ سال کے وقفے کے بعد طلبہ یونین کے انتخابات منعقد ہوئے ہیں۔ اتر پردیش سے تعلق رکھنے والی نشریٰ قانون کی طالبہ ہیں اور فرٹرنٹی موومنٹ کی قومی ایگزیکٹیو کمیٹی کی رکن بھی ہیں۔

Aligarh Muslim University law student Nashra Naim has become the first woman elected to one of the three top posts of the AMU Students’ Union, winning the vice-president’s position in elections held after an eight-year gap. Naim secured 7,091 votes, defeating Saqib Ali Khan, who received 5,818 votes. Research scholar Mohammad Noman Ashraf was elected president with 7,797 votes, while BTech student Mohammad Hamdan won the honorary secretary’s post with 8,385 votes. Voting took place on November 5 across 13 polling centres, following student protests demanding the restoration of an elected union. Naim, who is also a member of the Fraternity Movement’s national executive committee, said her victory was made possible by the dedication and support of her campaign team.

— The Observer Post (@TheObserverPost) November 6, 2026

یہ انتخابات طلبہ کے ان احتجاجات کے بعد منعقد ہوئے جن میں منتخب طلبہ یونین کی بحالی کا مطالبہ کیا گیا تھا۔ پی ایچ ڈی اسکالر، مقرر اور اردو شاعر نعمان اشرف طلبہ یونین کے صدر منتخب ہوئے، جبکہ محمد حمدان نے سکریٹری کا عہدہ حاصل کیا۔ نعمان اشرف نے ۷؍ ہزار ۷۹۷؍ ووٹ حاصل کرکے ۴؍ ہزار ۱۲۱؍ ووٹوں کے فرق سے کامیابی درج کی۔ محمد حمدان نے ۸؍ ہزار ۳۸۵؍ ووٹ حاصل کرکے اعزازی سکریٹری کا عہدہ جیتا۔ ان کی کامیابی کا فرق ایک ہزار ۵۰۳؍ ووٹ رہا۔ نشریٰ نعیم نے ۷؍ ہزار ۹۱؍ ووٹ حاصل کیے اور ایک ہزار ۲۷۳؍ ووٹوں کی برتری سے نائب صدر منتخب ہوئیں۔ علی گڑھ مسلم یونیورسٹی طلبہ یونین کی کابینہ کے لیے منتخب ہونے والے ۱۰؍ ارکان میں محمد احمد خان، ہانیہ خان، اریبہ دلشاد، شازیہ شمیم، محمد محسن کے، محمد مرشد کے، ارسلان خان، انیکا رمان راہی، شاہین پروین اور محمد فیض شامل ہیں۔

🚨 After eight years, AMU restores its student union. Noman Ashraf takes the helm after a fiery speech. JMI revived its union after 19 years. Campus democracy finds its voice again. #AMU #studentpolitics #Aligarh #India https://t.co/NFXoN8mYNl

— Public News X (@PublicNewsX) November 5, 2026

ووٹنگ سے ایک روز قبل مکتوب میڈیا سے گفتگو کرتے ہوئے نشریٰ نعیم نے کہا تھا کہ علی گڑھ مسلم یونیورسٹی جیسے اقلیتی اداروں کے طلبہ کو اکثر اندیشوں کی نگاہ سے دیکھا جاتا ہے، کیونکہ ان کے یہاں سے ایسے قائدین سامنے آسکتے ہیں جو اپنی برادری کے مسائل کو سمجھتے اور انہیں اجاگر کرنے کی صلاحیت رکھتے ہیں۔ انہوں نے مکتوب سے کہا، ’’انہیں اقلیتی اداروں سے ایسے قائدین کے ابھرنے کا خوف ہے جو اپنی برادری کے مسائل کو سمجھتے ہوں اور قومی و بین الاقوامی پلیٹ فارم پر ان کے لیے آواز اٹھا سکیں۔‘‘ ان کا مزید کہنا تھا کہ طلبہ کو ایسی قیادت کی ضرورت ہے جو ان کی صحیح نمائندگی کرسکے۔ دوسری جانب علی گڑھ مسلم یونیورسٹی ویمنز کالج طلبہ یونین کے انتخابات میں انعم ریاض صدر، عائشہ خان نائب صدر اور مریم جان سکریٹری منتخب ہوئیں۔