انڈیا گیٹ سے حراست میں لینے اور پھر رِہا کئے جانے کے بعد دونوں نے میڈیا سے گفتگو کی، دشینت گوتم کیخلاف کارروائی کا مطالبہ۔

اپنی بیٹی انکیتا بھنڈاری کے قتل کے معاملے میں انصاف کا مطالبہ کرتے ہوئے گزشتہ روز ان  کے والدین  ویریندر سنگھ بھنڈاری اور سونی دیوی نےدہلی میں انڈیا گیٹ پراحتجاج کیا تھا جس میںراہل گاندھی اور پرینکا گاندھی سمیت کئی کانگریس لیڈران پہنچے تھے۔ اس احتجاج کے بعد  دونوںکو حراست میںلے لیا گیا تھا ۔ انہیں جمعرات کی شام رِہا کیا گیا ہے۔رہائی کےفوراً انہوںنے پریس کانفر نس کی جس میں گفتگو کرتے ہوئےدونوں ہی اپنے جذبات پرقابو نہیں رکھ سکے اور زاروقطار روپڑے۔ انکیتا کے والدین نے دشینت گوتم کو گورنر بنانے کے فیصلہ پر سخت ناراضگی ظاہر کی اور مطالبہ کیا کہ انہیں انصاف کے کٹہرے میں لایا جائے۔

یہ بھی پڑھئے: اپوزیشن کی پٹیشن پر الیکشن کمیشن کو نوٹس، جواب مانگا

انہوں نے دشینت گوتم کے خلاف کارروائی کا مطالبہ کرتے ہوئے کہا کہ جب تک ان کا مطالبہ پورا نہیں ہوتا یہ تحریک جاری رہے گی۔انکیتا کے والد ویریندر نے   کہا کہ اس  معاملے کی منصفانہ جانچ کا ان کا مطالبہ اب بھی برقرار ہے۔پولیس کے ذریعہ حراست میںلئےجانےپر انکیتاکی ماں نے کہا کہ ہم یہ کہنا چاہتے ہیں کہ جب تک دشینت گوتم کی تقرری منسوخ نہیں ہو جاتی، ہم اپنے موقف پر قائم رہیں گے۔ اگر ہمیں یہاں بیٹھنے کی اجازت نہیں دی گئی تو ہم اپنے گھر میں ہی بھوک ہڑتال پر بیٹھ جائیں گے۔