یوگانڈا کی قومی ایئر لائن نے منگل کو ممبئی سے براہ راست اپنے ملک کیلئے پرواز کا اعلان کیا ہے۔

یوگانڈا کی قومی ایئر لائن نے منگل کو ممبئی سے براہ راست اپنے ملک کیلئے پرواز کا اعلان کیا ہے۔ یہ پرواز ۷؍اکتوبر ۲۰۲۳ء سے شروع ہوگی جوکہ ممبئی سے یوگانڈا کے شہر انتیبے کیلئے روانہ ہوگی۔ 
ممبئی میں پریس کانفرنس کے دوران جینیفر باموتوراکی ( یوگانڈا ایئر لائنس کی سی ای او) نے انتیبے-ممبئی روٹ کے آغاز کیلئے اپنی توقعات کا اظہار کیا اور اس کے مستقبل کی ترقی میں اپنے اعتماد کو ظاہر کیا۔ انہوں نے کہا کہ ’’یہ راستہ ایئر لائنس کیلئے اہم ہے کیونکہ اس متوقع ٹریفک کی وجہ سے جو ہم نیٹ ورک کیلئے جمع کریں گے۔ یہ راستہ ہمارے ہندوستانی بھائیوں اور بہنوں کیلئے بہت معنی رکھتا ہے کیونکہ یہ سفر کے اوقات کو ۹؍ گھنٹے سے کم کر کے ساڑھے ۵؍ گھنٹے کر دے گا۔ یوگانڈا کے وزیر برائے ورکس اینڈ ٹرانسپورٹ، ایڈورڈ کٹومبا وامالا نے بھی یوگانڈا اور ہندوستانیوں دونوں کیلئے مزید مواقع پیدا کرنے کے راستے کی صلاحیت پر روشنی ڈالی۔ ایئر لائنس کا ۹؍ اکتوبر سے انتیبے سے لاگوس تک براہ راست پروازیں شروع کرنے کا منصوبہ ہے۔