جنوبی افریقہ میں تارکین وطن مخالف مظاہرین گھروں میں گھس کر تارکین وطن کو زبردستی نکال رہے ہیں۔ واضح رہےکہ جنوبی افریقہ میں تارکین وطن کے خلاف مظاہرے جاری ہیں جبکہ انسانی ہمدردی کی بنیاد پر امداد کیلئےسرگرم تنظیمیں اور خطے کے ممالک تشویش میں مبتلا ہیں کیونکہ خودساختہ نگرانی کرنے والے گروہ غیر قانونی تارکین وطن کی تلاش میں سرگرم ہیں۔جمعرات کو جوہانسبرگ میں تارکین وطن مخالف کارکن گھر گھر گئے تاکہ ایسے افراد کو تلاش کر سکیں جو قانونی اجازت کے بغیر ملک میں رہ رہے تھے۔ رائٹرز کے صحافیوں کے مطابق جن افراد کو وہ ڈھونڈنے میں کامیاب ہوئےانہیں پولیس کے حوالے کر دیا۔

 

 

واضح رہےکہ  جنوبی افریقہ میں غیر قانونی تارکین وطن کے خلاف بڑے پیمانے پر احتجاج ہورہے ہیں۔ مظاہرین بے روزگاری، کم اجرت، جرائم اور منشیات کی غیر قانونی اسمگلنگ کا ذمہ دار تارکین وطن کو قرار دے رہے ہیں۔اس سلسلےمیںایمنسٹی انٹرنیشنل کا کہنا ہے کہ ملک کے معاشی اور سماجی مسائل کا الزام غلط طور پر تارکین وطن پر عائد کیا جا رہا ہے۔ تنظیم کے مطابق ان مشکلات کی اصل وجوہات گہری معاشی اور سماجی عدم مساوات ہے۔

 

 

بڑھتی ہوئی کشیدگی کے درمیان زمبابوے،  اور نائیجیریا سے تعلق رکھنے والے ہزاروں تارکین وطن نے اپنے اپنے سفارت خانوں سے وطن واپسی میں مدد کی درخواست کی ہےجبکہ حکام نے غیر قانونی تارکین وطن کے خلاف کارروائیاں بھی تیز کر دی ہیں۔