مرکزی وزیر مملکت برائے خزانہ انوراگ ٹھاکر نے پیر کو لوک سبھا میں واضح کر دیا کہ جیون بیمہ نگم (ایل ائی سی) میں پبلک ایشو(آئی پی او) لانے سے کسی کی نوکری نہیں جائےگی۔

مرکزی وزیر مملکت برائے خزانہ  انوراگ ٹھاکر نے پیر کو لوک سبھا میں واضح کر دیا کہ جیون بیمہ نگم (ایل ائی سی) میں پبلک ایشو(آئی پی او) لانے سے کسی کی نوکری نہیں جائےگی۔انوراگ ٹھاکر نے ایوان میں ضمنی سوالوں کے جواب میں کہا کہ ایل آئی سی میں ابتدائی آئی پی او لانےسے وہاں تعینات کسی بھی ملازم کی نوکری نہیں جائےگی۔انہوں نے کہا کہ آئی پی او لانے کا عمل شروع ہوا ہے۔ جب مناسب وقت آئے گا تو اس وقت بتایا جائےگا کہ اس کی بازار قیمت کتنی ہے۔حکومت کی یہ کوشش ہے کہ بازار میں اس کی قیمت بڑھے اور زیادہ سے زیادہ لوگ سرمایہ کاری کریں۔
 انہوں نے ملک کی معیشت کی حالت سے متعلق ایک ضمنی سوال کے جواب میں کہا کہ دنیا کی کئی ایجنسیوں نے مانا ہے کہ کورونا کی وبا کے بعد ہندوستان میں تیزی سے بحالی کا عمل ہوا ہے اور ہندوستان کی ترقی کی شرح دو عدد میں رہنے والی ہے۔مرکزی وزیر مملکت نے پیٹرول ڈیزل کو شیا اور خدمات ٹیکس (جی ایس ٹی) کے دائرے میں لائے جانے کے امکان سے جڑے سوال پر کہا کہ اس کا فیصلہ جی ایس ٹی کونسل کو کرنا ہے۔