فیفا ورلڈ کپ ۲۰۲۶ء کے سیمی فائنل میں ارجنٹائنا کی انگلینڈ کے خلاف ۱۔۲؍گول کی فتح کے بعد ریفری اسماعیل الفتح کی آفیشیٹنگ شدید بحث کا موضوع بن گئی۔ سوشل میڈیا پر وائرل ہونے والی ویڈیوز اور پوسٹس میں دعویٰ کیا جا رہا ہے کہ ارجنٹائنا کے متعدد سخت فاؤلز کے باوجود کھلاڑیوں کو مناسب سزا نہیں دی گئی۔

فیفا ورلڈ کپ ۲۰۲۶ء کے سیمی فائنل میں ارجنٹائنا کی انگلینڈ کے خلاف ۱۔۲؍گول کی فتح کے بعد ریفری  اسماعیل الفتح  کی آفیشیٹنگ شدید بحث کا موضوع بن گئی۔ سوشل میڈیا پر وائرل ہونے والی ویڈیوز اور پوسٹس میں دعویٰ کیا جا رہا ہے کہ ارجنٹائنا کے متعدد سخت فاؤلز کے باوجود کھلاڑیوں کو مناسب سزا نہیں دی گئی۔
میچ کے پہلے ہاف میں ارجنٹائنا نے ۱۲؍ فاؤلز  کیے، لیکن صرف  ایک پیلا کارڈ دکھایا گیا، جس پر انگلینڈ کے کھلاڑیوں، کوچنگ اسٹاف اور شائقین نے سخت ناراضگی کا اظہار کیا۔

Sale la noticia que Bellingham tiene molestia en el hombro

*PAREDES EN LA PRIMERA JUGADA DEL PARTIDO* pic.twitter.com/oq9IkvEzFu

— Fran Fijap (@FranFijap) July 15, 2026

 میچ کے متنازع لمحات
میچ کے تیسرے ہی منٹ میں انگلینڈ کے  ایلیٹ اینڈرسن  اور لیونل میسی کے درمیان چیلنج کے بعد  اینزو فرنانڈیز  نے اینڈرسن پر سخت ٹیکل کیا۔ ری پلے میں ایسا دکھائی دیا کہ فرنانڈیز کا پاؤں اینڈرسن کے سر سے بھی ٹکرایا، مگر ریفری نے نہ کھیل روکا اور نہ ہی کوئی کارڈ دکھایا۔

یہ بھی پڑھئے:ناگالینڈ: دہشت گرد حملے میں حوالدار محمد اقبال شہید، سرحدی گاؤں میں سوگ

اسی طرح  جیولیانو سیمیونے  نے پہلے ہاف میں کئی مرتبہ انگلینڈ کے دفاعی کھلاڑیوں پر سخت فاؤلز کیے، جن میں  جیڈ اسپینس  کے چہرے پر بازو لگنے کا واقعہ بھی شامل تھا، لیکن انہیں بھی کوئی وارننگ یا پیلا کارڈ نہیں ملا۔ ایک اور موقع پر  ناہویل مولینا نے جوڈ بیلنگھم  کو پنالٹی ایریا کے قریب گرا دیا۔ انگلینڈ کو فری کک تو ملی، مگر مولینا کو پیلا کارڈ نہیں دکھایا گیا، حالانکہ حملہ روکنے والے ایسے فاؤلز پر عموماً وارننگ دی جاتی ہے۔پہلے ہاف میں ہی  لیاندرو پاریدیس  نے گیند سے دور بیلنگھم کو دھکا دیا، مگر اس واقعہ پر بھی ریفری یا معاون ریفریز نے کوئی کارروائی نہیں کی۔
 صرف ایک پیلا کارڈ
ارجنٹائنا کا پہلا اور واحد پیلا کارڈ پہلے ہاف کے اختتام کے قریب لیساندرو مارٹینیز  کو انگلینڈ کے جوابی حملے کو روکنے پر دیا گیا۔ دوسری جانب اینزو فرنانڈیز نے تین فاؤلز کیے، لیکن وہ بھی بغیر کسی وارننگ کے پہلے ہاف مکمل کرنے میں کامیاب رہے۔
 سوشل میڈیا پر شدید بحث
میچ کے بعد ریفری کے فیصلوں کے ویڈیوز سوشل میڈیا پر تیزی سے وائرل ہوئے۔ کئی صارفین نے الزام لگایا کہ آفیشیٹنگ میں ارجنٹائنا اور لیونل میسی کے حق میں نرمی برتی گئی  جبکہ دوسرے شائقین کا کہنا تھا کہ ارجنٹائنا کا جارحانہ اور ہائی پریسنگ اندازِ کھیل قدرتی طور پر زیادہ فاؤلز کا باعث بنتا ہے اور ریفری نے کھیل کے بہاؤ کو برقرار رکھنے کی کوشش کی۔

یہ بھی پڑھئے:عالیہ بھٹ باضابطہ طور پر سوہم شاہ اور نوازالدین صدیقی کی فلم ’’تمباڑ۲ ‘‘میں شامل

ان تمام تنازع کے باوجود ارجنٹائنا نے میچ کے آخری لمحات میں  اینزو فرنانڈیز  اور  لاؤتارو مارٹینیز  کے گولز کی بدولت شاندار واپسی کرتے ہوئے ۱۔۲؍گول  سے کامیابی حاصل کی اور مسلسل دوسری بار فیفا ورلڈ کپ کے فائنل میں جگہ بنا لی، جبکہ انگلینڈ کو شکست کے ساتھ ساتھ ریفری کے فیصلوں پر بھی مایوسی کا سامنا کرنا پڑا۔