بھوجپوری فلموں کے معروف اداکار کھیساری لال یادو آر جے ڈی کے ٹکٹ پر چھپرا اسمبلی سے انتخاب لڑیں گے۔ ان کا کہنا ہے کہ وہ سیاست کو ذمہ داری مانتے ہیں، نہ کہ صرف کرسی کی دوڑ۔

بھوجپوری فلموں کے مشہور اداکار اور گلوکار کھیساری لال یادو اب سیاست کے میدان میں قدم رکھ رہے ہیں۔ راشٹریہ جنتا دل (آر جے ڈی) نے انہیں چھپرا اسمبلی نشست سے انتخاب لڑنے کیلئے ٹکٹ دیا ہے جس کا اعلان کھیساری لال نے خود سوشل میڈیا پلیٹ فارم ایکس پر کیا۔ انہوں نے اپنے پیغام میں لکھا کہ وہ کوئی روایتی سیاستداں نہیں ہیں بلکہ عام عوام کے بیٹے ہیں، جو ہر طبقے کی آواز بننا چاہتے ہیں۔ کھیساری لال یادو نے کہا کہ سیاست ان کیلئے صرف کرسی کی دوڑ نہیں بلکہ ایک ذمہ داری ہے۔ وہ چاہتے ہیں کہ چھپرا کے ہر گھر تک ترقی پہنچے اور ہر دل کی آواز بنیں۔ ان کے مطابق وہ کھیت کھلیان سے جڑے ہیں اور نوجوانوں کے جوش و جذبے کی نمائندگی کرتے ہیں۔ ان کا ماننا ہے کہ سیاست عوام کی خدمت کا ذریعہ ہے نہ کہ ذاتی مفاد کا۔ 

मैं, आप सभी का बेटा और भाई खेसारी लाल यादव, इस बार छपरा विधानसभा से चुनाव लड़ रहा हूँ।

मैं कोई परंपरागत नेता नहीं हूँ, मैं आप सभी जनता जनार्दन का बेटा हूँ, खेत-खलिहान का लाल हूँ, हर तबके की आवाज़ हूँ और युवा भाइयों का जोश हूँ।
मेरे लिए राजनीति कोई कुर्सी की दौड़ नहीं है, ये एक… pic.twitter.com/dYlRoG8Bmf

— Khesari Lal Yadav (खेसारी) (@khesariLY) October 16, 2025

ابتداء میں ان کی بیوی چندا دیوی کو اس نشست سے ٹکٹ دینے کی خبریں بھی گردش کر رہی تھیں، تاہم، آخرکار آر جے ڈی نے کھیساری لال کو امیدوار بنایا۔ دوسری طرف بی جے پی نے اس نشست کیلئے چھوٹی کمار کو ٹکٹ دیا ہے، جو مقامی لیڈراور ضلع سطح کی سیاست میں سرگرم ہیں۔ کھیساری لال یادو چھپرا کے مقامی رہائشی ہیں، لہٰذا اس بار ان کی فلمی مقبولیت کو سیاسی میدان میں پرکھا جائے گا۔ کھیساری لال نے آر جے ڈی کی نظریات اور پارٹی قیادت پر بھی اعتماد ظاہر کیا۔ انہوں نے کہا کہ آر جے ڈی کی سوچ، سابق صدر لالو پرساد یادو کا جدوجہد اور بڑے بھائی تیجسوی یادو کی نوجوان قیادت ان کے سیاسی سفر کی رہنمائی کر رہی ہے۔ ان کے اعلان کے بعد مداحوں میں جوش و خروش پیدا ہوا اور سیاسی حلقوں میں نئی بحث کا آغاز ہو گیا ہے۔ 

یہ بھی پڑھئے: بہار میں بی جےپی اتحادیوں کو بھی مسلمانوں سے گریز!

یہ اقدام کھیساری لال یادو کیلئے ایک نیا چیلنج ہے کیونکہ سیاست میں عوامی توقعات اور فلمی شہرت کے اثرات کو پرکھنا اہم ہوگا۔ چھپرا کی نشست میں ان کا مقابلہ دیگر مضبوط امیدواروں سے ہے اور یہ دیکھنا دلچسپ ہوگا کہ عوامی حمایت کس طرف جھکتی ہے۔ کھیساری لال یادو نے اپنی مقبولیت کو عوامی خدمت میں بدلنے کا عزم ظاہر کیا ہے اور کہا ہے کہ وہ ہر عمر کے ووٹرز کی ضرورتوں اور مسائل کو سمجھ کر حل کرنا چاہتے ہیں۔