بی ایم سی نے اعلان کیا ہے کہ شہر کو پانی سپلائی کرنے والی پائپ لائن کی مرمت کیلئے ممبئی، تھانے اور بھیونڈی کے علاقوں میں ۱۰؍ فیصد پانی کی کٹوتی کی جائے گی۔ یہ کٹوتی ۲۰؍ نومبر سے ۲؍ دسمبر تک جاری رہے گی۔ بی ایم سی نے شہریوں سے تعاون کرنے اور ان ۱۳؍ دنوں میں احتیاط سے پانی استعمال کرنے کی اپیل کی ہے۔

شہری انتظامیہ (بی ایم سی) کے مطابق ۲۰؍نومبر تا ۲؍دسمبر ممبئی ، تھانے اور بھیونڈی کےمختلف حصوں میں۱۰؍ فیصد پانی کٹوتی کا فیصلہ کیا گیا ہے۔ خیال رہے کہ یہ فیصلہ  پیس ویر ڈیم ، جو شہر کو پانی فراہم کرتا ہے، کے نیومیٹک گیٹ سسٹم کی ہنگامی مرمت کرنے کیلئے کیا گیا ہے۔ برہن ممبئی میونسپل کارپوریشن (بی ایم سی) نے پیس ڈیم کے نیومیٹک گیٹ سسٹم کی ہنگامی مرمت کا اعلان کیا ہے جس کے سبب ممبئی کے تمام وارڈوں، تھانے اور بھیونڈی میونسپل کارپوریشن کے کچھ حصوں میں ۱۳؍دنوں کیلئے ۱۰؍ فیصد پانی کی کٹوتی کی جائے گی۔

२० नोव्हेंबर २०२३ ते २ डिसेंबर २०२३ या कालावधीत मुंबईत १० टक्के पाणी कपात
---
10 % water cut in Mumbai from 20 November 2023 to 2 December 2023#BMC#BMCUpdates#watersupply@CMOMaharashtra@Dev_Fadnavis@AjitPawarSpeaks@dvkesarkar@MPLodha@IqbalSinghChah2 pic.twitter.com/xFBfLmlT7t

— माझी Mumbai, आपली BMC (@mybmc) November 16, 2023

اس کٹوتی کی شروعات ۲۰؍ نومبر سے ہوگی جو ۲؍دسمبر تک جاری رہے گی۔ ڈیم میں پانی کی مطلوبہ سطح کو برقرار رکھنے کیلئے نیومیٹک گیٹس بہت اہم ہیں جو ممبئی کی روزانہ تقریباً ۳؍ہزار ۹؍سو ملین لیٹر پانی کی فراہمی میں اہم کردار ادا کرتے ہیں۔ اطلاعات کے مطابق اس مدت کے دوران ممبئی، تھانے اور بھیونڈی کے مختلف حصوں میں پانی کی سپلائی متاثر ہوگی۔شہری انتظامیہ نے شہریوں سے تعاون کی درخواست کرتے ہوئے اپیل کی ہے کہ وہ آئندہ ۱۳؍دنوں تک پانی کا احتیاط سے استعمال کریں۔