۴۵؍ سالہ کروڑ پتی برائن جانسن سوشل میڈیا انفلوئنسر ہیں جو اینئی ایجنگ کی کوششوں کیلئے عالمی شہرت رکھتے ہیں۔ وہ یکم تا ۶؍ دسمبر ہندوستان میں ہوں گے۔

۴۵؍ سالہ کروڑ پتی برائن جانسن، جو بڑھاپا نہ آنے کے جدید طریقوں کو دریافت کرنے کیلئے بلیو پرنٹ پروجیکٹ شروع کرنے کیلئے جانے جاتے ہیں، اگلے ماہ ہندوستان کا دورہ کرنے والے ہیں، جس سے ان کے مداح پُرجوش ہیں۔ ایکس پر ایک پوسٹ میں جانسن نے اعلان کیا کہ وہ اپنی کتاب اور کمیونٹی ’’ڈونٹ ڈائی‘‘ کی تشہیر کیلئے دسمبر میں ممبئی اور بنگلورو کا دورہ کریں گے جو شرح اموات پر قابو پانے اور خوشحالی کو فروغ دینے پر مرکوز ہے۔

اس اعلان نے ان کے بہت سے مداحوں کو خوش کر دیا ہے لیکن جس چیز نے سب کو اپنی گرفت میں لے لیا وہ تھا ٹیک انٹرپرینیور کا اپنی پوسٹ میں ماڈل اور ریئلٹی ٹی وی اسٹار پونم پانڈے کا ذکر۔ اسے پوسٹ میں ٹیگ کرتے ہوئے، جانسن نے ایک ایسے تعاون کا اشارہ دیا جس کی کسی کو توقع نہیں تھی۔‘‘

یہ بھی پڑھئے: بہن بمقابلہ بھائی: سارہ علی خان اور ابراہیم علی خان کی فلمیں ٹکرا سکتی ہیں

جانسن نے لکھا کہ ’’ہیلو انڈیا! مجھے بتایا گیا ہے کہ وہ واحد شخص جو ’’ڈونٹ ڈائی‘‘ پر یقین رکھتا ہے، اس کا نام پونم پانڈے ہیں۔ ہم اسے تبدیل کرنے والے ہیں۔ میں یکم سے ۳؍ دسمبر ممبئی اور ۴؍ سے ۶؍ دسمبر بنگلور میں ہوں۔‘‘ خیال رہے کہ ’’ڈونٹ ڈائی‘‘ وہ فقرہ ہے جس کا استعمال وہ اکثر کرتے ہیں۔

Hello India. I’ve been told the only person who believes in Don’t Die is @iPoonampandey. We’re about to change that. I’m in Mumbai Dec 1-3 and Bangalore 4-6. #मरनामत

— Bryan Johnson /dd (@bryan_johnson) November 22, 2024

جانسن کا مقصد انسانی عمر کو بڑھانا اور انسانوں کو کبھی نہ مرنے دینا ہے۔ ان کی یہ بھی کوشش ہے کہ انسان کبھی بوڑھا نہ ہو بلکہ ہمیشہ جوان نظر آئے۔ جانسن نے اپنی انوکھی اینٹی ایجنگ کوششوں کیلئے عالمی شہرت حاصل کی ہے، جسے وہ اکثر سوشل میڈیا پر شیئر کرتے رہتے ہیں۔ ان کے غیر روایتی اقدامات میں اپنے نوعمر بیٹے سے خون کی منتقلی اور جین تھراپی کے انجکشن کے مرحلوں سے بھی گزرنا شامل ہے۔