مسجد الحرام اور اس کی بیرونی عمارتوں میں امن و امان کو یقینی بنانے اور آمد ورفت کو منظم رکھنے کیلئے ۵؍ سو سےزائد سیکوریٹی اہلکار مامور رہتے ہیں
یہاں حرم شریف میں عمرہ زائرین کی سلامتی کو یقینی بنانے کیلئے حرمین شریفین انتظامیہ کی جانب سے جامع اور مستحکم انتظامات کئے گئے ہیں۔ مسجد الحرام اور اس کی بیرونی عمارتوں میں امن و امان کو یقینی بنانے اور آمد ورفت کو منظم رکھنے کیلئے سال بھر۵؍ سوزائد سیکوریٹی اہلکار مامور رہتے ہیں جو دنیا بھر سے آنے والے زائرین کی سلامتی کو یقینی بنا تے ہیں اورحسب ضرورت ان کی رہنمائی بھی کرتےہیں۔
حر مین شریفین انتظامیہ کے مطابق سیکوریٹی اہلکار مسجد الحرام میں کسی بھی ہنگامی صورتحال سے نمٹنے کیلئے مستعد رہتے ہیں اور ہر حصے پر نظر رکھتے ہیں۔ سیکوریٹی اہلکاروںکی پیشہ وارانہ تربیت ہوچکی ہے۔ مسجد الحرام اور اس کے زائرین کی خدمت پر مامور ۱۵؍ اداروں کے امن مسائل سے پیشہ ورانہ انداز میں حل کرتے ہیں۔ان اداروں میں کنگ عبدالعزیز غلاف کعبہ کمپلیکس، حرمین شریفین عجائب گھر، حرم شریف لائبریری، کدی میں بیک اپ بجلی اسٹیشن، مسجدالحرام کے واش رومز کو پانی فراہم کرنے والا ملکان ٹینک اورکدی میں آب زمزم ٹینک قابل ذکر ہیں۔
سیکوریٹی اہلکار مسجد الحرام کے ہر حصے میں مقررہ نظام الاوقات کے مطابق موجود رہتے ہیں۔ بارش کے دوران خاص طور پر ہنگامی انتظامات کئے جاتے ہیں۔مسجد الحرام کے دروازوں اور راہداریوں میں آمد ورفت کو کنٹرول کرنے کیلئے اقدامات کئے جاتے ہیں۔ زائرین کو الیکٹرانک زینے استعمال کرنے میں مدد کے علاوہ راہداریوں میں زائرین کو بیٹھنے سے روکتے ہیں تاکہ طواف یا سعی کیلئے آنے جانے والوں کو کسی مشکل کا سامنا نہ کرنا پڑے۔
