ہندوستانی کرکٹ ٹیم کے لیگ اسپنر یزویندر چہل اور کوریوگرافر دھنشری ورما میں طلاق ہو گئی ہے۔ بامبے ہائی کورٹ کے حکم پر یزویندر چہل اور دھنشری ورما کی طلاق کا فیصلہ جمعرات کو باندرہ فیملی کورٹ میں سنایا گیا۔

ہندوستانی کرکٹ ٹیم کے لیگ اسپنر یزویندر چہل اور کوریوگرافر دھنشری ورما میں طلاق ہو گئی ہے۔ بامبے ہائی کورٹ کے حکم پر یزویندر چہل اور دھنشری ورما کی طلاق کا فیصلہ جمعرات کو باندرہ فیملی کورٹ میں سنایا گیا۔ یزویندر چہل کے وکیل نتن کمار گپتا نے اپنے بیان میں کہا کہ یزویندر اور دھنشری میں طلاق ہو گئی ہے۔ رپورٹ کے مطابق یزویندر چہل دھنشری ورما کو۴ء۷۵؍ کروڑ روپے دیں گے۔ اس کی تقریباً ۲؍کروڑ ۳۷؍ لاکھ ۵۰؍ ہزار روپے کی پہلی قسط ادا کر دی گئی ہے۔ دونوں جون۲۰۲۲ء سے الگ رہ رہے ہیں۔ اس کے ساتھ ہی وہ ۴؍ سال بعد باضابطہ طور پر الگ ہو گئے ہیں۔ یزویندر اور دھنشری کی شادی دسمبر۲۰۲۰ء میں ہوئی تھی۔ یزویندر اور دھنشری نے امسال ۵؍فروری کو فیملی کورٹ میں طلاق کی درخواست دائر کی تھی۔ یزویندر اور دھنشری نے ایک عرضی دائر کی تھی جس میں قانونی طور پر لازمی ۶؍ ماہ کی مدت کو ختم کرنے کی درخواست کی گئی تھی کیونکہ انہوں نے باہمی رضامندی سے طلاق کی درخواست دی تھی۔