عالمی سطح پر کشیدگی کے درمیان خام تیل کی قیمتوں میں اتار چڑھاؤ برقرار ہے۔ بدھ کے روز قیمتوں میں۳؍ فیصد سے زیادہ کی کمی دیکھی گئی۔ بین الاقوامی بازار میں صبح ساڑھے ۱۰؍بجے ڈبلیو ٹی آئی کروڈ ۲۸ء۳؍ فیصد کی کمی کے ساتھ۴۰ء۹۲؍ ڈالر فی بیرل اور برینٹ کروڈ ۳۵ء۲؍فیصد کی گراوٹ کے ساتھ تقریباً ۹۹ء۱۰۰؍ ڈالر فی بیرل پر تھا۔

 عالمی سطح پر کشیدگی کے درمیان خام تیل کی قیمتوں میں اتار چڑھاؤ برقرار ہے۔ بدھ کے روز قیمتوں میں۳؍ فیصد سے زیادہ کی کمی دیکھی گئی۔ بین الاقوامی بازار میں صبح  ساڑھے ۱۰؍بجے ڈبلیو ٹی آئی کروڈ ۲۸ء۳؍ فیصد کی کمی کے ساتھ۴۰ء۹۲؍ ڈالر فی بیرل اور برینٹ کروڈ ۳۵ء۲؍فیصد کی گراوٹ کے ساتھ تقریباً ۹۹ء۱۰۰؍ ڈالر فی بیرل پر تھا۔
بین الاقوامی منڈیوں کے ساتھ ساتھ ہندوستانی بازاروں میں بھی خام تیل کی قیمتوں میں کمی دیکھی جا رہی ہے۔ ملٹی کموڈٹی ایکسچینج (ایم سی ایکس) پر۲۰؍ اپریل۲۰۲۶ء کے خام تیل کے کنٹریکٹ کی قیمت  ۵۲ء۲؍فیصد گر کر۸۶۲۱؍  روپے ہو گئی۔ایران کی جانب سے سینئر سیکوریٹی عہدیدار اور سپریم نیشنل سیکوریٹی کونسل کے سیکریٹری علی لاریجانی کی شہادت کی تصدیق کے بعد جغرافیائی سیاسی خطرات بڑھنے کے باوجود خام تیل کی قیمتوں میں نمایاں کمی آئی ہے۔ ان کی شہادت کو ایران کی جنگی قیادت کے لیے ایک بڑا دھچکا سمجھا جا رہا ہے اور یہ علاقائی تنازع میں مزید بگاڑ کی نشاندہی کرتا ہے۔

یہ بھی پڑھئے:گھیر کر مارنے والا ایران اور گھِرکر دُکھی ٹرمپ

مارکیٹ کی تشویش کا مرکز آبنائے ہرمز ہے، جو تیل کی تجارت کا ایک اہم راستہ ہے اور عام طور پر عالمی تیل کی ترسیل کا تقریباً پانچواں حصہ اسی راستے سے گزرتا ہے۔ اس آبی گزرگاہ سے آمدورفت اب بھی محدود ہے، اور جہازوں کی نقل و حرکت معمول کی تجارتی روانی کے بجائے جغرافیائی سیاسی حالات سے زیادہ متاثر ہو رہی ہے۔
راستے کو محفوظ بنانے کے لیے اتحادی ممالک کی حمایت حاصل کرنے کی امریکی صدر ڈونالڈ ٹرمپ کی کوششیں ناکام ہوتی نظرآ رہی ہیں، جس سے سپلائی چین کو معمول پر لانے کے وقت کے بارے میں غیر یقینی صورتحال مزید بڑھ گئی ہے۔اس دوران، خطے میں فوجی سرگرمیاں تیز ہو گئی ہیں، ایران نے حملے بڑھا دیے ہیں اور امریکی فوج آبنائے کے قریب واقع میزائل اڈوں کو نشانہ بنا رہی ہے۔

یہ بھی پڑھئے:تھائی لینڈ ۲۸۴؍ ٹن غیر قانونی الیکٹرانک کچرا امریکہ کو واپس بھیجے گا

اس سال تیل کی قیمتوں میں تقریباً ۷۰؍ فیصد کا نمایاں اضافہ ہوا ہے، جس کی بڑی وجہ ایران، امریکہ اور اسرائیل کے درمیان بڑھتی ہوئی کشیدگی ہے۔اب اس اضافے کا اثر خردہ ایندھن کی قیمتوں پر بھی نظر آنے لگا ہے، جہاں امریکہ میں ڈیزل کی قیمتیں ۵؍ ڈالر فی گیلن سے تجاوز کر گئی ہیں۔