ہند پاک جنگ بندی کے بعد ۳۲؍ ایئرپورٹس کو عارضی طورپر بند رکھنےکے فیصلے کو منسوخ کر دیا ہے۔ یاد رہے کہ ۷؍ مئی ۲۰۲۵ءکو یہ فیصلہ اس وقت کیا گیا تھا جب ہندوستان نے ’’پہلگام دہشت گردانہ حملے‘‘ کے بعد ’’آپریشن سیندور‘‘ لانچ کیا تھا۔

ہند پاک تنازع کے پیش نظر ۱۵؍مئی تک ملک کے مختلف ایئرپورٹس کو بند کرنے کے فیصلے کو آج منسوخ کر دیا گیا ہے۔ منسٹری آف سیول ایوی ایشن نے آج جاری کردہ بیان میں کہا تھا کہ ’’مذکورہ ایئرپورٹس فوری طور پر گھریلوں پروازوں کیلئے کھلے رہیں گے۔‘‘ یاد رہے کہ متاثرہ ایئرپورٹس میں سری نگر، ادھم پور، امبالہ، امرتسر، اونتی وپر، بھٹنڈہ، چندی گڑھ، ہلوارہ، ہنڈن (غازی آباد)، جموں کشمیر، جام نگر، جودھپور، کنڈلا، کانگڑا، ہنڈن، جیسلمیر، کیشوڈ، کشن گڑھ اور کلو منالی وغیرہ شامل ہیں۔ دیگر ایئرپورٹس جیسے پٹھان کورٹ، پٹیالہ، لیہہ، لدھیانہ، پوربندر، راج کوٹ، سرسوا، شملہ، تھوئیسے ، مندرا اور اتر لای کو بھی ۷؍ مئی تا ۱۵؍ مئی تک عارضی طور پر بند رکھنے کا فیصلہ کیا گیا تھا۔

#6ETravelUpdate pic.twitter.com/DfBfSws8l1

— IndiGo (@IndiGo6E) May 12, 2025

پیر کو انڈیگو ایئرلائنس نے کہا کہ ’’ یہ تدریجی طور پر شروع کیا گیا آپریشن تھا۔‘‘ انڈیگو نے اپنے بیان میں لکھا ہے کہ ’’خدمات آہستہ آہستہ بحال ہورہی ہیں اسی لئے کچھ پروازیں تاخیر سے چلیں گی اور آخری وقت میں بھی ایڈجسمنٹ کیا جاسکتا ہے۔ ہمارا یہ مشورہ ہے کہ حالیہ اپڈیٹس کیلئے اپنی فلائٹس کا اسٹیٹس چیک کرتے رہئے۔‘‘

یہ بھی پڑھئے: رائے پور میں ٹریلر اور ٹرک میں تصادم، ۱۳؍ افراد ہلاک، ۱۱؍ زخمی

ایئرپورٹس کو ۱۵؍ مئی تک عارضی طور پر بند رکھنے کا فیصلہ ہندوستان اور پاکستان کے درمیان جنگ بندی کے بعد لیا گیا ہے۔ ۷؍ مئی کو یہ فیصلہ اس وقت لیا گیا تھا جب ہندوستانی فوج نے آپریشن سیندور لانچ کیا تھا۔ یہ حملہ ۲۲؍ اپریل ۲۰۲۵ءکو ’’پہلگام دہشت گردانہ حملے‘‘ کے بعد کیا گیا تھا جس کے سبب  ۱۶؍ افراد نے اپنی جانیں گنوائی تھیں جن میں ایک نیپالی شخص بھی شامل تھا۔ پاکستانی فوج نے جوابی حملہ کرتے ہوئے جموں کشمیر کی کنٹرول لائن کے اطراف موجود گاؤں پر فضائی حملے کئے تھے۔