خالی پلاٹ میں رکھے گئے کلورین کے سلنڈر لیک ہو نے کے بعد شہر میں افراتفری مچ گئی تھی، مکانات خالی کروائے گئے۔
EPAPER
Updated: January 09, 2024, 11:01 PM IST | Agency | Dehradun
خالی پلاٹ میں رکھے گئے کلورین کے سلنڈر لیک ہو نے کے بعد شہر میں افراتفری مچ گئی تھی، مکانات خالی کروائے گئے۔
اتراکھنڈ کی راجدھانی دہرادون کے جھاجرا علاقہ میں ایک خالی پلاٹ میں رکھے کلورین گیس کے سلنڈر لیک ہو گئے جس کی وجہ سے پورے علاقے میں افراتفری مچ گئی اورسیکڑوں لوگوں کو سانس لینے میں دشواری کا سامنا کرنا پڑا۔ اطلاع ملنے کے بعد پولیس، این ڈی آر ایف، ایس ڈی آر ایف اور فائر بریگیڈ کی ٹیم موقع پر پہنچیں اور انہیں آس پاس کے مکانات خالی کروائے اور گیس کی رسائو روکنے کیلئے کلورین گیس سلنڈر کو اسی پلاٹ میں زمین میں دفن کا سلسلہ شروع کیا ۔ بتایا جارہا ہے کہ اس پلاٹ پر کم از کم ۱۰۰؍ کلورین گیس سلنڈر رکھے ہوئے تھے جن میں سے کچھ میں سے گیس لیک ہونا شروع ہو گئی تھی ۔ اس کی وجہ سے علاقے میں بھوپال گیس سانحہ جیسا ماحول بن گیا تھا لیکن انتظامیہ فوری طور پر حرکت میں آگیا جس اس نے علاقہ خالی کرانے کے ساتھ ساتھ سلنڈروں کو بھی ٹھکانے لگادیا۔ بہر حال اس بات کی تفتیش کی جارہی ہے کہ کلورین گیس کے اتنے سلنڈر اس علاقے میں کس نے لاکر رکھے تھے۔