ریزرو بینک آف انڈیا کا اعلان : سرکاری لین دین میں شامل تمام بینک۳۱؍ مارچ۲۰۲۴ء کو کھلے رہیں گے۔

ریزرو بینک آف انڈیا(آر بی آئی) نے اعلان کیا ہے کہ سرکاری لین دین میں شامل تمام بینک۳۱؍ مارچ ۲۰۲۴ء کو کھلے رہیں گے۔ اس کا مطلب ہے کہ ایسٹر سنڈے کے موقع پر بھی بینک کھلے رہیں گے جو کہ مسیحی برادری کیلئے  ایک اہم تہوار ہے۔ ہم بتاتے ہیں کہ آر بی آئی کی ہدایت مرکزی حکومت کی اس درخواست کے جواب میں آئی ہے کہ اس بات کو یقینی بنایا جائے کہ تمام سرکاری وصولیوں اور ادائیگیوں کا حساب مالی سال ۲۴۔۲۰۲۳ءکے اندر ہو۔

یہ بھی پڑھئے: سیبی کا میوئل اکاؤنٹس کیخلاف سخت مؤقف

اتوار کو بینک کیوں کھلے رہیں گے؟
 اتوار کو بینکوں کی بند ہونے سے حکومت کے کھاتوں کو حتمی شکل دینے میں ایک چیلنج پیدا ہوتا ہے۔ خاص طور پر جب یہ مالی سال کے اختتام  کا اتوار ہو۔  آر بی آئی کے اس فیصلے کا مقصد اہم مالیاتی لین دین کے  معاملے میں کسی بھی ممکنہ تاخیر کو روکنا ہے، اس طرح نئے مالی سال میں آسانی سے منتقلی کو یقینی بنانا ہے۔ اس اقدام کا مقصد مالیاتی نظم و ضبط کو برقرار رکھنا اور لین دین کے بیک لاگ کو جمع ہونے سے روکنا ہے۔
بینک۳۱؍ مارچ کو کاروبار کیلئے کھلیں گے
آر بی آئی نے۳۳؍ ایجنسی بینکوں کو اس اہم تاریخ پر کام جاری رکھنے کیلئے  نامزد کیا ہے۔ اس فہرست میں۱۲؍ سرکاری بینک شامل ہیں، جن میں اسٹیٹ بینک آف انڈیا(ایس بی آئی ) اور بینک آف بڑودہ (بی او بی ) جیسے بڑے نام شامل ہیں۔ نیز نجی شعبے کے۲۰؍بینک جیسے ایچ ڈی ایف سی  بینک لمیٹڈ اور  آئی سی آئی سی آئی بینک لمیٹڈ بھی شامل ہیں۔مزید برآں، ڈی بی ایس بینک انڈیا لمیٹڈ اس انتظام میں واحد غیر ملکی بینک کی نمائندگی کرتا ہے۔ یہ بینک۳۱؍ مارچ کو مکمل خدمات فراہم کرنے کیلئے تیار ہیں۔