دھرمیندر پردھان کے استعفیٰ کے بعد سوشل میڈیا پر نتین گڈکری اگلا نشانہ، اس کے علاوہ سوشل میڈیا پر طنز و مزاح کا طوفان برپا ہے، اس استعفیٰ سے نوجوانوں اور اپوزیشن جماعتوں میں فتح کی خوشی اور جوش و خروش پایا جارہا ہے۔

دھرمیندر پردھان کا وزیر تعلیم کے عہدے سے استعفیٰ حکمراں بی جے پی کے لیے ایک اہم سیاسی محاسبہ ثابت ہوا، جس کے بعد نوجوانوں اور اپوزیشن جماعتوں میں فتح کی خوشی اور جوش و خروش پایا جارہا ہے، لیکن سوشل میڈیا صارفین نے پہلے ہی ان وزراء کی اگلی فہرست تیار کرنا شروع کر دی ہے جنہیں باہر کا راستہ دکھایا جانا چاہیے۔میمز کی یہ مذاحیہ لہر ہر طرف پھیلی ہوئی ہے جس میں بالی وڈ، ہالی وڈ اور حتیٰ کہ مصنوعی ذہانت کے حوالے شامل ہیں، لیکن سب سے مقبول اور ہر کسی سے جڑا ہوا ٹیمپلیٹ ہندی او ٹی ٹی شو پنچایت کا ایک منظر ہے، جس میں مرکزی کرداروں کو پی ایم مودی، دھرمیندر پردھان، امیت شاہ، نتن گڈکری اور چیف جسٹس سوریا کانت کے ناموں سے موسوم کیا گیا ہے۔ایک صارف نے آر جے ڈی کے سابق لیڈرشیو چندر رام کی ایک ویڈیو پوسٹ کی، جو بہار ایم ایل سی انتخابات میں ٹکٹ نہ ملنے پر پریس کانفرنس کے دوران رو پڑے تھے، اسے دھرمیندر پردھان کی موجودہ جذباتی حالت قرار دیا۔ایک اور صارف نے اسی پوسٹ کے جواب میں صرف ایک جی آئی ایف دیا بالی وڈ کلاسک ہیرا پھیری کا ایک یادگار منظر جس میں اکشے کمار بظاہر روتے ہیں لیکن چپکے سے مسکرا رہے ہیں۔ صارف نے کیپشن دیا ’’پیچھے سے امیت شاہ‘‘ تاکہ سنگھ پریوار میں جاری ڈرامے کی نشاندہی کی جا سکے۔اس کے علاوہ چیف جسٹس آف انڈیا سوریا کانت بھی اس مذاحیہ مہم سے نہ بچ سکے، کیونکہ ایک صارف نے ہپی کی اُلٹن پلٹن کا ایک ترمیم شدہ ویڈیو پوسٹ کیا۔ اس کامیڈی شو میں، پردھان اپنے استعفیٰ تک پہنچنے والے واقعات کے لیے سی جے آئی کانت کو مورد الزام ٹھہراتے ہیں۔

बच्चे ने जाते-जाते "देश के नौकरों" के लिए संदेश छोड़ा है। उम्मीद है इसे मिटाया नहीं जाएगा। pic.twitter.com/7WYzhmB9bP

— Cockroach Janta Party (@CJP_4_Bihar) July 26, 2026

پردھان کے استعفیٰ کے علاوہ، میمز کی اس لہر نے اپنا اگلا بنیادی ہدف طے کر لیا ہے نتن گڈکری، جو ایتھنول تنازع میں سب سے آگے رہے ہیں، کیونکہ مائلیج کے نقصان اور گاڑیوں کو نقصان پہنچنے کے دعووں پر عوام کا غصہ بڑھتا جا رہا ہے۔سوشل میڈیا پلیٹ فارمز پر ’’اگلا نمبر ایتھنول سائنسدان کا ہے‘‘اور ’’پردھان آؤٹ، اگلے گڈکری‘‘ جیسے تبصرے بھر گئے۔ ایک صارف نے راوڈی راٹھورڑکا ایک منظر پوسٹ کیا، جس میں اکشے کمار عام عوام کی شکل میں دھرمیندر پردھان کو پیٹ رہے ہیں، اور ’’ایتھنول بابا‘‘ (گڈکری کے حوالے سے) اگلی قطار میں ہیں۔ایک اور ویڈیو، جو وائرل ہوئی ہے، میں نتن گڈکری بظاہر ایک تقریب کے دوران بیہوش ہوتے نظر آ رہے ہیں۔ صارفین نے اسے پردھان کے استعفیٰ کے بعد مرکزی وزیر کی موجودہ حالت قرار دیا۔ایک صارف نے کیپشن کے ساتھ ویڈیو پوسٹ کیا، ’’مسٹر گڈکری، گنے لینے کے لیے تیار ہو جائیں۔‘‘کلاسک ٹی وی شو دی سمپسنز بھی میمز کی تاریخ میں شامل ہوئی، جب ایک صارف نے کہا، ’’چلو گڈکری.. کچھ واقعی احمقانہ کرو جیسا کہ تم کر رہے ہو۔ عوام میں جوش ہے‘‘، جو طویل عرصے سے بڑھتے ہوئے عوامی غصے کی عکاسی کرتا ہے۔ 

Scene after Education Minister Dharmendra Pradhan Resigns ft Nitin Gadkari & Nirmala Sitharaman pic.twitter.com/s1Km5VPwF6

— revengeseeker (@revengeseekerr) July 26, 2026

بعد ازاں مرکزی وزیر راج ناتھ سنگھ بھی میمز کے اس طوفان میں ایک غیر متوقع ہدف بنے، جہاں صارفین نے انہیں تاریخ کا سبق پڑھانے کا فیصلہ کیا اور۲۰۱۵ء کا ایک پرانا کلپ دوبارہ پوسٹ کیا جس میں وہ کہہ رہے تھے، ’’یہاں وزراء استعفیٰ نہیں دیتے، بھائی۔ یہ یو پی اے حکومت نہیں ہے؛ یہ این ڈی اے حکومت ہے۔ اور ہمارے وزراء وہ کام نہیں کرتے جو ان کے وزراء کیا کرتے تھے۔‘‘واضح رہے کہ مرکزی وزیر نے یہ تبصرے کانگریس کے اس مطالبے کے جواب میں کیے تھے جس میں مفرور آئی پی ایل چیف للت مودی کو مبینہ مدد فراہم کرنے پرسشما سوراج اور وسندھرا راجے سے فوری استعفیٰ کا مطالبہ کیا گیا تھا۔

یہ بھی پڑھئے: دھرمیندر پردھان کے استعفے کواپوزیشن نےطلبہ کی جیت قراردیا

گڈکری کے علاوہ، مرکزی وزیر ریلوے اشونی ویشنو اور نرملا سیتارمن بھی میمز کا نشانہ بنیں، جن پر ’’ٹیکس آنٹی‘‘ اور ’’ایکسیڈنٹ منسٹر‘‘جیسے تبصرے گردش کر رہے ہیں۔سیتارمن نے اپنے حالیہ تبصرے پر بھی تنقید کا سامنا کیا جہاں انہوں نے کہا کہ کچھ نوجوان سامنے آ رہے ہیں اور کہہ رہے ہیں کہ پیپر لیک نے انہیں پہلے تو نقصان پہنچایا، لیکن بعد میں انہوں نے اس کا فائدہ اٹھایا اور (دوبارہ ٹیسٹ کے لیے) مزید تیاری کی اور اپنی کارکردگی بہتر کی۔شیو سینا (یو بی ٹی) کے رہنما سنجے راؤت نے کہا، ’’وہ بیوقوف ہے۔ اسے ملک کے بارے میں کچھ نہیں معلوم۔ ہم اس کے شوہر (پرکال پربھاکر) سے بات کریں گے۔ وہ عقلمند آدمی ہیں۔‘‘
دریں اثناءدھرمیندر پردھان کی روانگی کے بعد بی جے پی دفاعی موقف پر آ گئی ہے، اور دیگر مرکزی وزراء پر برسوں سے جاری آن لائن تنقید کو نئی رفتار ملتی دکھائی دے رہی ہے، جہاں سوشل میڈیا صارفین کھل کر قیاس آرائیاں کر رہے ہیں کہ اگلا کون ہو سکتا ہے۔