بھامری نے اپنے امریکی جوڑیدار کے ساتھ مل کر الماتی اوپن کے فائنل میں ٹاپ سیڈ جوڑی کو ہرادیا۔

ہندوستان کے یُوکی بھامبری اور ان کے امریکی ساتھی ریان سیگرمین نے اتوار کو الماتی اوپن ٹینس ٹورنامنٹ کے فائنل میں ٹاپ سیڈ آسٹریائی جوڑی لوکاس مِڈلر اور نیل اوبرلائٹنر کو شکست دے کر ڈبلز کا خطاب جیت لیا۔چوتھی سیڈ ہند۔امریکی جوڑی نے ٹاپ سیڈ جوڑی کو۶۔۷،۷۔۶،۲۔۱۰؍ سے شکست دے کر اے ٹی پی ۲۵۰؍ خطاب اپنے نام کیا۔ بھامبری اور سیگرمین نے پہلا سیٹ ٹائی بریک میں ۳۔۷؍سے جیتا لیکن آسٹریائی جوڑی نے دوسرے سیٹ کا ٹائی بریک ۷۔ایک سے جیت کر مقابلہ برابر کر دیا۔ فیصلہ کن میچ ٹائی بریک میں ہندوستانی۔امریکی جوڑی نے ۲۔۱۰؍سے یکطرفہ کامیابی حاصل کی۔

یہ بھی پڑھئے: پڈیکل اور سدرشن نے انڈیا ’اے‘ کی اننگز کو سنبھالا

یہ مردوں کے ڈبلز میں یُوکی بھامبری کا پانچواں اے ٹی پی ٹور خطاب ہے۔ انہوں نے ۲۰۲۳ء میں لائیڈ ہیرس کے ساتھ مالورکا اوپن جیت کر پہلا ٹور خطاب حاصل کیا تھا۔ ۲۰۲۴ء میں انہوں نے البانو اولیویٹی کے ساتھ میونخ اور گِسٹاد میں اے ٹی پی ۲۵۰؍خطاب جیتے جبکہ ۲۰۲۵ء میں الیکسی پوپیرن کے ساتھ دبئی میں اے ٹی پی۵۰۰؍خطاب اپنے نام کیا۔

الماتی اوپن میں بھامبری اور سیگرمین نے پہلے دور میں سینڈر گِلے اور سیم وربیک کو، کوارٹر فائنل میں فلپ پیزونکا اور الیگزینڈر ڈونسکی کو جبکہ سیمی فائنل میں جیکسن وِتھرو اور ناتھانیئل لیمونز کو شکست دے کر فائنل میں جگہ بنائی تھی۔ ایشین گیمز ۲۰۲۶ء میں بھامبری نے دکشنیشور سریش کے ساتھ جوڑی بنائی تھی اور مردوں کے ڈبلز کے کوارٹر فائنل تک پہنچے تھے۔