قزاخستان کی دو مرتبہ کی میجر چیمپئن ایلینا ریباکینا نے امریکہ کی ٹینس اسٹار کوکو گاف کو شکست دے کر پہلی بار کنیڈا اوپن کے فائنل میں جگہ بنا لی ہے۔ بدھ کو کھیلے گئے مقابلے میں دوسری سیڈ ریباکینا نے ایک سیٹ ہارنے کے بعد شاندار واپسی کرتے ہوئے گاف کو ۳؍سیٹ میں شکست دی۔

قزاخستان کی دو مرتبہ کی میجر چیمپئن ایلینا ریباکینا نے امریکہ کی ٹینس اسٹار کوکو گاف کو شکست دے کر پہلی بار کنیڈا اوپن کے فائنل میں جگہ بنا لی ہے۔ بدھ کو کھیلے گئے مقابلے میں دوسری سیڈ ریباکینا نے ایک سیٹ ہارنے کے بعد شاندار واپسی کرتے ہوئے گاف کو ۷۔۵، ۲۔۶، ۲۔۶؍ سے شکست دی اور جمعرات کو ہونے والے فائنل میں ۶؍ مرتبہ کی میجر چیمپئن ایگا سویاتیک کے خلاف مقابلہ طے کر لیا۔

یہ بھی پڑھئے:مچل اسٹارک ٹیسٹ میں سب سے زیادہ وکٹ لینے والے بائیں ہاتھ کے بولر

ٹوکیو ۲۰۲۰ء کی چیمپئن بیلنڈا بینچچ کے چوٹ کے باعث کوارٹر فائنل سے دستبردار ہونے کے بعد واک اوور حاصل کرکے سیمی فائنل میں پہنچنے والی گاف کو ریباکینا کے خلاف مشکل شروعات کا سامنا کرنا پڑا۔ ڈبلیو ٹی اے ۱۰۰۰؍ ہارڈ کورٹ ٹورنامنٹ میں روشنیوں کی چمک کے درمیان کھیلے گئے مقابلے میں شمالی امریکہ کی چوتھی سیڈ گاف نے ۳؍ بریک پوائنٹ بچائے اور پہلے سیٹ کے اختتام پر اپنا ایک بریک پوائنٹ حاصل کرکے ریباکینا پر برتری بنا لی۔

Ace after ace after ace… 😮‍💨 🎯

Elena Rybakina fired 15 aces in the match, saving three of them for the final game. Talk about a finish! 🔥 pic.twitter.com/g8J1d0KfAr

— National Bank Open (@NBOtoronto) August 12, 2026

موجودہ آسٹریلین اوپن چیمپئن ریباکینا نے دوسرے سیٹ میں اپنی لے حاصل کی اور ۲۔۳؍ کے اسکور پر گاف کی سروس توڑ دی۔ اس کے بعد انہوں نے ایک اور بریک پوائنٹ کا فائدہ اٹھاتے ہوئے مقابلے کو فیصلہ کن سیٹ تک پہنچا دیا۔ دباؤ میں اور مقابلے پر گرفت کھوتی ہوئی گاف آخری سیٹ میں لڑکھڑا گئیں، جبکہ ریباکینا نے ان کی سروس ۲؍ مرتبہ مزید توڑی اور ٹھیک ۲؍ گھنٹے میں کامیابی حاصل کرلی۔

یہ بھی پڑھئے:مچل اسٹارک ٹیسٹ میں سب سے زیادہ وکٹ لینے والے بائیں ہاتھ کے بولر

مقابلہ جیتنے کے بعد دنیا کی نمبر ۸؍ کھلاڑی ریباکینا نے کہا’’وہ اچھا کھیل رہی ہیں۔ یہ ایک بار پھر بہت مشکل مقابلہ ہونے والا ہے اور ہم ایک دوسرے کو بہت اچھی طرح جانتے ہیں۔ ہم کئی مرتبہ کھیل چکے ہیں۔ اس لیے میرے لیے، میدان پر اتنے گھنٹے گزارنے کے بعد صحت یابی اور زیادہ سے زیادہ توانائی کے ساتھ کھیلنا زیادہ ضروری ہے۔‘‘