امریکی صنعتکار ایلون مسک کی دولت ۱۷۰؍ سے زائد ممالک کی سالانہ جی ڈی پی سے زیادہ ہے۔ افریقہ، لاطینی امریکہ اور ایشیا کے کچھ حصوں کی معیشتیں اس کی خوش قسمتی سے چھوٹی ہیں، جب کہ صرف چند بڑی معیشتیں، جیسے کہ امریکہ، چین، جرمنی اور ہندوستان اس سے زیادہ ہیں۔

امریکی صنعتکار ایلون مسک کی دولت ۱۷۰؍ سے زائد ممالک کی سالانہ جی ڈی پی سے زیادہ ہے۔ افریقہ، لاطینی امریکہ اور ایشیا کے کچھ حصوں کی معیشتیں اس کی خوش قسمتی سے چھوٹی ہیں، جب کہ صرف چند بڑی معیشتیں، جیسے کہ امریکہ، چین، جرمنی اور ہندوستان  اس سے زیادہ ہیں۔ دنیا کے امیر ترین شخص ٹیسلا کے بانی ایلون مسک کی دولت کا حجم ۷۵۰؍ ارب ڈالر سے تجاوز کرگیا ہے اور وہ یہ سنگ میل عبور پر کرنے والے دنیا کی پہلی شخصیت بن گئے ہیں۔ 
بین الاقوامی خبر رساں ادارے کی رپورٹ کے مطابق ایلون مسک کی دولت کا حجم ۱۶؍ دسمبر کو۶۰۰؍ ارب ڈالر تک پہنچ گیا تھا تاہم امریکی عدالت کی جانب سے ٹیسلا میں ان کی تنخواہ۵۶؍ ارب ڈالر سے بڑھا کر۱۳۹؍ ارب ڈالرس کرنے کے فیصلے کے بعد ان کی دولت میں بہت بڑا اضافہ ہوگیا ہے۔ 
رپورٹس کے مطابق مسک کی دولت کا مجموعی حجم دنیا کے دیگرامیرترین ۳؍ افراد کی مجموعی دولت سے بھی بہت زیادہ ہے۔  لیری ایلیسن کی دولت۷ء۲۴۲؍ ارب ڈالر، لیری پیچ کی دولت ۶ء۲۵۲؍ ارب ڈالر اور جیف بیزوز۴ء۲۳۹؍ ارب ڈالرس ہے تاہم مسک کی دولت تینوں کی دولت سے زیادہ ہے جو بالترتیب دنیا کے دوسرے، تیسرے اور چوتھے امیر ترین افراد ہیں۔ 

یہ بھی پڑھئے:سالِ رفتہ ۲۰۲۵ء: ہندوستانی او ٹی ٹی پر خواتین پر مبنی طاقتور کہانیاں

واضح رہے کہ خیال رہے کہ ۲۰۱۸ء میں ٹیسلا نے مسک کو ۵۶؍ارب ڈالر تنخواہ کا پیکیج دیا تھا تاہم  ۲۰۲۴ء میں عدالت نے اس کو منسوخ کردیا تھا لیکن اب دسمبر ۲۰۲۵ء میں ڈیلاور کی سپریم کورٹ نے پیکیج بحال کردیا، جس کے بعد ان کا پیکیج ۱۳۹؍ ارب ڈالر ہوگیا۔ مسک کی تنخواہ میں ہونے والے بڑے اضافے کے بعد ان کی دولت کا حجم بھی بڑھ گیا ہے، اسپیس ایکس کی مالیت بھی  ۸۰۰؍ ارب ڈالر تک پہنچ گئی ہے اور مسک کے پاس ۴۲؍ فیصد حصص ہیں۔

یہ بھی پڑھئے:اسرائیل کی جین زی صارفین کو ہدف بنانے کیلئے ڈجیٹل پروپیگنڈے میں ۶؍ ملین ڈالر کی سرمایہ کاری

مسک کے معاوضے کا ڈھانچہ تقریباً مکمل طور پر کارکردگی سے منسلک ہے، جس میں روایتی تنخواہ بہت کم ہے، یعنی ٹیسلا کی مارکیٹ ویلیویشن کے ساتھ اس کی دولت بڑھتی اور گرتی ہے۔ جیسا کہ کمپنی کی قدر میں سالوں میں ڈرامائی طور پر اضافہ ہوا، اس کے اسٹاک کے اختیارات کی مالیت کئی گنا بڑھ گئی۔ ایک بار جب عدالت نے پیکیج کو بحال کیا، مسک کی مجموعی مالیت پر اثر فوری اور بڑے پیمانے پر تھا۔