’جن وشواس ایکٹ ۲۰۲۶ء (دفعات میں ترمیم)‘ کے تحت ۱۵؍ اگست سے ٹریفک کے چھوٹے موٹے قوانین کی خلاف ورزی کرنے والوں پر فوجداری کیس درج نہیں ہوگا بلکہ لین کےمطابق گاڑی نہ چلانا اور سڑکوں پر لگے سائن بورڈ کے اشاروں کی پابندی نہ کرنے پر صرف جرمانہ کی کارروائی ہوگی۔

’جن وشواس  ایکٹ ۲۰۲۶ء (دفعات میں ترمیم)‘  کے تحت ۱۵؍ اگست سے ٹریفک کے چھوٹے موٹے قوانین کی خلاف ورزی کرنے والوں پر فوجداری کیس درج نہیں ہوگا بلکہ لین کےمطابق گاڑی نہ چلانا اور سڑکوں پر لگے سائن بورڈ کے اشاروں کی پابندی نہ کرنے پر صرف جرمانہ کی کارروائی ہوگی۔

مرکزی حکومت برائے روڈ ٹرانسپورٹ اور ہائی ویز نے اس ترمیمی ایکٹ پر عملدرآمد کو منظوری دے دی ہے۔ اس کا مقصد یہ بتایا گیا ہے کہ ٹریفک کے چھوٹے موٹے قوانین کی خلاف ورزی ہونے پر اس تعلق سے کی جانے والی کارروائی بآسانی انجام کو پہنچ جائے اور عدالتوں پر غیرضروری فوجداری مقدموں کا مزید بوجھ نہ پڑے۔

یہ بھی پڑھئے: ’انگریزو بھارت چھوڑو تحریک‘ کے موقع پر امن مارچ

جن دفعات میں ترمیم کی گئی ہے،  ان میں موٹر وہیکل ایکٹ کی دفعہ ۲۰۰؍ کے تحت آنے والی دفعہ ’۱۷۷؍ اے‘ بھی شامل ہے جس میں سڑکوں پر لین کا خیال نہ رکھتے ہوئے گاڑی  چلانا اور رہنمائی کیلئے آویزاں سائن بورڈ پر ظاہر کئے گئے احکام اور اشاروں کی پابندی نہ کرنا شامل ہیں۔ اب ان معاملات میں خلاف ورزی پر صرف جرمانہ ادا کرکے ڈرائیور کو چھوڑ دیا جائے گا۔ ان پر کیس درج نہیں کیا جائے گا۔