غزہ کے حکام کے مطابق ڈھائی لاکھ ٹن کوڑا، عوام کی صحت کیلئے شدید خطرے کا باعث بنا ہوا ہے، اس کے علاوہ پانی کی قلت، نالوں کے پانی کا اخراج اور کوڑے کے ڈھیر نے ماحول کو سنگین بنا دیا ہے۔

غزہ کےمیونسپل حکام کا کہنا ہے کہ غزہ ا شہر میں پانی کی شدید قلت، نالے کے پانی کا اخراج اور کوڑے کے ڈھیروں نے ماحولیات اور صحت کیلئے سنگین خطرات پیدا کر دئے ہیں۔میونسپل ترجمان عاصم النبی نے ایک ریکارڈ بیان میں بتایا کہ اسرائیلی جنگی کارروائیوں کے باعث شہر کی ۸۵؍ فیصد سے زائد بھاری مشینری تباہ ہو چکی ہے جس کے متبادل دستیاب نہیں ہیں۔ انہوں نے کہا کہ اسرائیلی فورسیز میونسپل عملے کو شہر کے سب سے بڑے کوڑے کے ڈھیر تک پہنچنے سے روک رہی ہیں۔

💔🇵🇸The #Children of #Gaza are #Starving

Amid piles of garbage, #Gaza’s children search for a bite to eat or something to light a fire…

Small, expressionless faces tell the story of a childhood stolen before it even began. pic.twitter.com/xLhuUuTdL8

— Balthus23 (@Balthus23Air) October 26, 2025

النبیح نے خبردار کیا کہ اگر فوری طور پر ضروری مشینری اور ایندھن نہ پہنچایا گیا اور عملے کو مختلف علاقوں تک رسائی نہ دی گئی تو یہ بحران جاری رہے گا اور اہل غزہ بیماریوں اور وباءسے موت کے خطرے کا سامنا کریں گے۔مقامی حکام کے تخمینے کے مطابق اسرائیلی جارحیت کے نتیجے میں ہونے والا مجموعی نقصان۹۰؍ فیصد اور ابتدائی مالی نقصان تقریباً۷۰؍ ارب ڈالر ہے۔