سونے چاندی کی قیمت: سونے اور چاندی کی قیمتوں میں پیر کو ریکارڈ اضافہ دیکھا گیا۔۱۰؍ گرام سونا ۱۳۰۳۰۰؍ روپے اور چاندی کی قیمت۱۵۷۴۰۰؍ روپے فی کلوگرام تک پہنچ گئی۔ ماہرین سے جانیں کہ سونے اور چاندی کی قیمتوں میں زبردست اضافے کی وجہ کیا ہے اور آگے کیا ہوگا۔

 پیر کو قومی دارالحکومت میں سونے اور چاندی کی قیمتوں میں تیزی سے اضافہ دیکھا گیا۔ دونوں قیمتی دھاتوں کی قیمتیں نئی ​​ریکارڈ بلندیوں پر پہنچ گئیں۔۱۰؍ گرام سونے کی قیمت۹۷۰۰؍ (پیرکو سونے کی قیمت) بڑھ کر۱۳۰۳۰۰؍ روپے  ہو گئی۔ یہ اضافہ غیر ملکی منڈیوں میں محفوظ  شعبے  میں مانگ اور روپے کی کمزوری کی وجہ سے ہوا۔

یہ بھی پڑھیئے:ہندوستان میں نامیاتی کاشتکاری کا رواج بڑھتا جارہا ہے

 آل انڈیا صرافہ اسوسی ایشن کے مطابق جمعہ کو۲۴؍ قیراط سونا۱۲۰۶۰۰؍  روپے فی۱۰؍ گرام پر بند ہوا۔ مقامی بلین مارکیٹ میں،۲۴؍ قیراط سونا۲۷۰۰؍ اضافے کے ساتھ ۱۲۲۷۰۰؍  (تمام ٹیکسوں سمیت) ہو گیا۔ یہ پہلے ۱۲۰۰۰۰؍ پر بند ہوا تھا۔ تاجروں کا کہنا ہے کہ ڈالر کے مقابلے روپے کی گراوٹ نے بھی سونے کی قیمتوں میں اضافہ کیا۔
ایچ ڈی ایف سی سیکیورٹیز کے سینئر تجزیہ کار، سومل گاندھی نے کہاکہ ’’سونے کے نئے ریکارڈ کو چھونے کے باوجود، سرمایہ کار اس میں سرمایہ کاری کرنے کا انتخاب کر رہے ہیں۔ وہ مضبوط بنیادوں اور تیزی کے رجحان کی بنیاد پر مستقبل میں مزید فوائد کی توقع رکھتے ہیں۔‘‘ گاندھی نے کہا کہ امریکی حکومت کے طویل بندش کی وجہ سے اقتصادی کارکردگی پر خدشات بھی محفوظ پناہ گاہوں کی دھات کی مانگ کو بڑھا رہے ہیں۔
چاندی کی قیمت میں بھی ۷۴۰۰؍ روپے کا اضافہ ہوا 
 چاندی میں بھی نمایاں اضافہ دیکھا گیا۔ چاندی کی قیمت پیر کو۷۴۰۰؍ روپے بڑھ کر۱۵۷۴۰۰؍  فی کلوگرام (تمام ٹیکس سمیت) ہوگئی۔ چاندی کی قیمتیں سال کا آغاز۸۹۷۰۰؍ فی کلوگرام سے ہوا  اور اب اس میں  ۴۷ء۷۵؍ فیصد کا اضافہ ہے۔ ۲۰۲۵ء میں اب تک سونے کی قیمتوں میں۵۱۳۵۰؍ کا اضافہ ہوا ہے۔ سال کے آغاز میں۳۱؍ دسمبر ۲۰۲۴ء کو وہ۷۸۹۵۰؍ فی ۱۰؍گرام تھی۔