بنگلہ دیش نے افغانستان کے خلاف ۳؍ میچوں کی ٹی ۲۰؍ سیریز میں شاندار کارکردگی کا مظاہرہ کرتے ہوئے۰۔۳؍ سے کلین سویپ کرلیا۔ شارجہ کرکٹ اسٹیڈیم میں کھیلے گئے سیریز کے تیسرے اور آخری میچ میں سیف حسن کی ناٹ آؤٹ ۶۴؍ رن کی اننگز کی بدولت بنگلہ دیشی ٹیم نے ۶؍ وکٹوں سے کامیابی حاصل کی۔

بنگلہ دیش نے افغانستان کے خلاف ۳؍ میچوں کی ٹی  ۲۰؍ سیریز میں شاندار کارکردگی کا مظاہرہ کرتے ہوئے۰۔۳؍ سے کلین سویپ کرلیا۔ شارجہ کرکٹ اسٹیڈیم میں کھیلے گئے سیریز کے تیسرے اور آخری میچ میں سیف حسن کی ناٹ آؤٹ ۶۴؍ رن کی اننگز کی بدولت بنگلہ دیشی ٹیم نے ۶؍ وکٹوں سے کامیابی حاصل کی۔

Etisalat Cup champions! 🏆 Bangladesh 🇧🇩sweep the series 3-0 — unstoppable Tigers! 🔥

Bangladesh 🇧🇩 🆚 Afghanistan 🇦🇫 | 3rd T20I | Sharjah Cricket Stadium, UAE
05 October 2025 | 8:30 PM

Photo Credit: @ACBofficials #Bangladesh #TheTigers #BCB #Cricket #BANVSAFG #Cricket… pic.twitter.com/kr9BCUM7c5

— Bangladesh Cricket (@BCBtigers) October 5, 2025

میچ میں افغانستان نے پہلے بیٹنگ کرتے ہوئے مقررہ۲۰؍ اوورس میں۹؍ وکٹوں کے نقصان پر صرف ۱۴۳؍ رن بنائے۔ ابتدائی اور درمیانی اوورس میں افغان بلے بازوں کو مشکلات کا سامنا رہا، تاہم آخری لمحات میں درویش رسولی اور مجیب الرحمان کی جارحانہ بیٹنگ نے ٹیم کو کچھ بہتر اسکور تک پہنچایا۔ 
بنگلہ دیش کی جانب سے شریف الاسلام، محمد سیف الدین، نسیم احمد اور رشید حسین نے نپی تلی بولنگ کرتے ہوئے حریف بلے بازوں کو کھل کر کھیلنے کا موقع نہ دیا۔ افغانستان کے۸؍ کھلاڑی۱۰۶؍رن  کے مجموعی اسکور پر پویلین لوٹ چکے تھے۔ 
جواب میں بنگلہ  دیش نے پر اعتماد انداز میں ہدف کا تعاقب شروع کیا۔ تنزید حسن نے ابتدائی اوورز میں جارحانہ بیٹنگ کی، جب کہ سیف حسن نے ایک اینڈ پر ڈٹ کر ٹیم کو فتح کی راہ پر گامزن رکھا۔ تنزید حسن۳۳؍ رن بنا کر آؤٹ ہوئے مگر سیف حسن نے ۷؍ چھکوں اور ۲؍ چوکوں کی مدد سے۶۴؍ رن کی ناٹ آؤٹ اننگز کھیلی۔ 
کپتان ذاکر علی۱۱؍ اور شمیم حسین صفر پر آؤٹ ہوئے لیکن سیف حسن نے نپے تلے انداز میں بیٹنگ کرتے ہوئے ٹیم کو ہدف کے قریب پہنچایا۔ وکٹ کیپر بلے باز نورول حسن نے مسلسل تیسرے میچ میں ناٹ آؤٹ رہتے ہوئے چھکا لگا کر ٹیم کو جیت دلا دی۔ افغانستان کی جانب سے مجیب الرحمان اور عظمت اللہ عمرزئی نے دو دو وکٹ حاصل کئے۔ اس کامیابی کے ساتھ ہی بنگلہ دیش نے سیریز میں ۰۔۳؍ سے کلین سویپ مکمل کیا، سیریز کے پہلے ٹی ۲۰؍میچ میں بنگلہ  دیش نے۳؍ وکٹ اور دوسرے میچ میں ۲؍ وکٹ سے کامیابی  حاصل کی تھی۔