اپنی گلوبل گورنمنٹ افیئرز ٹیم کے ذریعے ایک پیغام میں ایکس نے کہا کہ ’’ہندوستانی حکومت نے سرکاری حکم نامہ جاری کیا ہے جس میں ان سے مخصوص اکاؤنٹس اور پوسٹس کے خلاف کارروائی کرنے کا مطالبہ کیا گیا ہے، جن پر خصوصی طور پر جرمانے اور قید کی سزا ہوسکتی ہے۔ ‘‘ کسانوں کے احتجاج کا احاطہ کرنے والے متعدد اکاؤنٹس معطل کرنے کا حکم دیا گیا ہے۔

ایکس (پہلے ٹویٹر کے نام سے جانا جاتا تھا) نے انکشاف کیا ہے کہ ہندوستانی حکومت کی جانب سے اسے متعدد ایکس اکاؤنٹس بند کرنے اور صارفین پر کارروائی کرنے کے احکامات موصول ہوئے ہیں۔ 
اپنی گلوبل گورنمنٹ افیئرز ٹیم کے ذریعے ایک پیغام میں ایکس نے کہا کہ ’’ہندوستانی حکومت نے سرکاری حکم نامہ جاری کیا ہے جس میں ان سے مخصوص اکاؤنٹس اور پوسٹس کے خلاف کارروائی کرنے کا مطالبہ کیا گیا ہے، جن پر خصوصی طور پر جرمانے اور قید کی سزا ہوسکتی ہے۔ ‘‘ 
پوسٹ کے ذریعے ایکس نے کہا کہ جہاں تک احکامات کی تعمیل کامعاملہ ہے ہم صرف ہندوستان میں ہی ان اکاؤنٹس اور پوسٹس کوبند کریں گے۔ تاہم، ہم ان کارروائیوں سے متفق نہیں ہیں اور اس بات پر یقین رکھتے ہیں کہ اظہار رائے کی آزادی کو ان پوسٹس تک وسعت دینی چاہئے۔ 

The Indian government has issued executive orders requiring X to act on specific accounts and posts, subject to potential penalties including significant fines and imprisonment.

In compliance with the orders, we will withhold these accounts and posts in India alone; however,…

— Global Government Affairs (@GlobalAffairs) February 21, 2024

مکتوب میڈیا کی ایک رپورٹ کے مطابق فروری کے دوسرے ہفتے میں جاری کسانوں کے احتجاج کا احاطہ کرنے والے کئی اکاؤنٹس کو بند کردیا گیا ہے۔ ۱۴؍فروری کو پابندی عائد کرنے کے احکامات کے سبب کسان ایکتا مورچہ کے کئی اکاؤنٹس بند کئے گئے ہیں۔ 
ہندوستان ٹائمز کی ایک رپورٹ کے مطابق الیکٹرانکس اور انفارمیشن ٹیکنالوجی کی وزارت (میٹی) نے ۱۱۷؍سوشل میڈیا اکاؤنٹس اور کسانوں کے احتجاج سے متعلق لنکس کے خلاف ’’عوامی نظم و نسق ‘‘ کو برقرار رکھنے کیلئے ہنگامی طور پربند کرنے کے احکامات کو حتمی شکل دے دی ہے۔ پنجاب اور ہریانہ کے ان حصوں میں انٹرنیٹ بند کر دیا گیا ہے جہاں کسانوں نے ہریانہ پولیس کے ذریعے دہلی کی طرف مارچ کرنے کی کوشش میں ریاست میں داخل ہونے سے روکنے کے بعد ڈیرہ ڈالے ہوئے ہیں۔ 

A lot of X accounts critical of BJP Govt have either been suspended or withheld in India. Many influential X accounts of ground reporters/influencers/prominent farm unionists covering Farmers Protest in India are suspended too.
Sharing a few accounts. But there are many more X… pic.twitter.com/rfPR4EX18u

— Mohammed Zubair (@zoo_bear) February 19, 2024

ایکس نے اپنی پوسٹ میں کہا کہ ’’ہمارے موقف سے مطابقت رکھتے ہوئے، حکومت ہند کے پابندی عائد کرنے کے احکامات کو چیلنج کرنے والی ایک عرضی زیر التوا ہے۔ ہم نے متاثرہ صارفین کو اپنی پالیسیوں کے مطابق کارروائیوں کا نوٹس بھی فراہم کیا ہے۔ قانونی پابندیوں کی وجہ سے ہم سرکاری احکامات شائع کرنے سے قاصر ہیں لیکن ہم سمجھتے ہیں کہ شفافیت کیلئے انہیں عام کرنا ضروری ہے۔ یہ ظاہر نہ کرنے کی صورت میں احتساب میں جواب دہی کی کمی ہو سکتی ہے اور من مانافیصلہ کیا سکتا ہے۔ ‘‘