شاہ سلمان بن عبد العزیز نے حج انتظامات سے متعلق اداروں اورکارکنوں  کو ہدایت دی کہ حج سے متعلق تمام منصوبوں  پر عمل در آمد کو یقینی بنایا جائے۔

یہاں سعودی کابینہ کے اجلاس میں  حج کی تیاریوں  کا جائزہ لیا گیا اور اس دوران حج انتظامات سے متعلق اداروں کو ضروری ہدایات دی گئیں۔ 
سعودی خبر رساں  ایجنسی ’ایس پی اے‘ کی رپورٹ کے مطابق منگل کو سعودی عرب کے فرمانروا شاہ سلمان بن عبد العزیز نے جدہ میں منعقدہ سعودی کابینہ کے اجلاس کی صدارت کی۔ اس موقع پر انہوں  نے دنیا بھر سے حج کیلئے سعودی عرب پہنچنے والے عازمین کا استقبال کیا۔ اس دوران شاہ سلمان نے حرمین شریفین میں  عازمین حج کو تمام سہولیات کی فراہمی کو اولین ترجیح قرار دیا۔ 
شاہ سلمان بن عبد العزیز نے حج انتظامات سے متعلق اداروں اورکارکنوں  کو ہدایت دی کہ حج سے متعلق تمام منصوبوں  پر عمل در آمد کو یقینی بنایا جائے۔ تمام داخلی مقامات کے ساتھ ساتھ مکہ مکرمہ اور مدینہ منورہ پہنچنے والے عازمین کو بھی بہتر سے بہتر سہولیات فراہم کی جائیں۔ انہوں نے دعا بھی کہ اے اللہ !یہاں آنےتمام افرا د کو آسانی کے ساتھ حج کے مقدس فریضے کو انجام دینے کی توفیق دے۔ کابینہ کے اس کے اجلاس میں  دیگر موضوعا ت پر بھی گفتگو کی گئی۔