دہلی اور آس پاس کے علاقوں میں پیر کو گرج چمک کے ساتھ تیز بارش ہوئی جس سے دہلی میں تقریباً ۱۵؍ پروازوں میں تاخیر ہوئی ہے۔اندرا گاندھی بین الاقوامی ہوائی اڈے نے علی الصباح ساڑھے چار بجے  مسافروں کیلئے ایڈوائزری جاری کیا اور انہیں پروازوں کی تازہ ترین صورتحال کی معلومات کیلئے متعلقہ ایئر لائنز سے رابطہ کرنے کامشورہ دیا۔ انتظامیہ کا کہنا ہے کہ محکمہ موسمیات نے ایئرپورٹ کے آس پاس کے علاقوں میں خراب موسم کا امکان ظاہر کیا ، تاہم ’’پروازوں کی آمد و رفت کو معمول کے مطابق بتایا۔‘‘

 

 

محکمہ موسمیات (آئی ایم ڈی) نے اگلے چار دنوں میں ہریانہ، دہلی، چنڈی گڑھ اور پنجاب میں آندھی، طوفان، بجلی گرنے اور تیز ہوائیں چلنے کی وارننگ جاری کی ہے۔ شمال مغربی ہندوستان میں موسمیاتی ہلچل کا اثر بنا ہوا ہے، جس کی وجہ سے کچھ جگہوں پر ہوا کی رفتار۵۰؍ سے۶۰؍ کلومیٹر فی گھنٹہ تک پہنچ سکتی ہے۔