الخلیل میں اسرائیلی فوجی لاک ڈاؤن نویں دن میں داخل ہوگیا ہے، انہدامی کارروائی کے نتیجے میں تقریباً ۵؍ ہزار فلسطینی بے گھر ہوگئے۔

الزریعی کے حوالے سے مقامی حکام کے مطابق، گزشتہ ہفتے اسرائیلی فوجی آپریشن اور لاک ڈاؤن شروع ہونے کے بعد سے مقبوضہ مغربی کنارے کے شہر ہیبرون میں تقریباً۵۰۰۰؍ فلسطینی اپنے گھروں سے بے گھر ہو گئے ہیں۔ سنیچر کو مسلسل نویں دن بھی چھاپے، پابندیاں اور مسماری جاری ہے جبکہ فلسطینی حکام اسرائیل پر بین الاقوامی دباؤ ڈالنے کا مطالبہ جاری رکھے ہوئے ہیں۔آپریشن شروع ہونے کے بعد سے بے گھر ہونے والوں کی تعداد میں اضافہ ہوا ہے۔ پہلے دن، الخلیل کے میئر نے کہا کہ تقریباً ۲۲۰۰؍افراد کو زبردستی نکالا گیا ہے، جبکہ کاٹز نے یہ تعداد تقریباً۲۰۰۰؍ بتائی۔ فلسطینی اتھارٹی نے بعد میں الخلیلمیونسپلٹی کے اعداد و شمار کا حوالہ دیتے ہوئے۲۶۷۰؍ سے زیادہ بے گھر ہونے کی اطلاع دی۔ منگل تک، میونسپلٹی نے کہا کہ دیر بہا اور الجلدہ علاقوں سے۷۸۰؍ خاندانوں کے۴۹۶۸؍ افراد بے گھر ہوئے ہیں۔بے گھر ہونے والے زیادہ تر کمزور رہائشی ہیں۔ 

یہ بھی پڑھئے: ایران پر حملہ ہوا تو جواب فوری ہوگا: مجتبیٰ خامنہ ای کی امریکہ اسرائیل کو وارننگ

بعد ازاں فلسطینی قیدیوں کی سوسائٹی نے کہا کہ جبری طور پر نکالے گئے افراد میں۱۲۷؍ شیر خوار بچے، ۸۱؍ حاملہ خواتین اور۲۶؍ معذور افراد شامل ہیں۔ الجزیرہ نے رپورٹ کیا کہ ایک بلڈوزر کے ذریعے تین منزلہ عمارت کو مسمار کرنے سے پہلے خاندانوں کو سامان جمع کرنے کے لیے پانچ منٹ دیے گئے، اور وہ میونسپلٹی کی جانب سے قائم کردہ عارضی سہولیات میں پناہ لے رہے ہیں۔واضح رہے کہ یہ کارروائیجمعہ کی صبح الخلیل کے قریب فائرنگ کے بعد شروع ہوئی جس میں دو اسرائیلی فوجی ہلاک اور تین دیگر زخمی ہو گئے تھے۔ دو مشتبہ بندوق بردار، جو الخلیل کے فلسطینی تھے، مارے گئے۔ اس کے بعد اسرائیلی افواج نے شہر کو لاک ڈاؤن کر دیا اور کئی محلوں سے رہائشیوں کو بے گھر کر دیا۔اسرائیلی وزیر دفاع اسرائیل کاٹز نے کہا کہ فوج کی جانب سے الخلیل میں حماس کے تمام مسائل کو حل کرنے تک رہائشیوں کو واپس جانے کی اجازت نہیں دی جائے گی۔ اسرائیل نے کہا ہے کہ آپریشن عسکریت پسندوں اور ہتھیاروں کے خلاف  ہے۔

یہ بھی پڑھئے: فرانس: نسل پرستانہ فائرنگ حملے کے خلاف پیرس میں ہزاروں افراد کا احتجاجی اجتماع

تاہم فلسطینی اتھارٹی نے انہدامی کارروائیل اور بندش کو اجتماعی سزا قرار دیا ہے۔ فلسطینی خبر رساں ایجنسی وفا نے رپورٹ کیا کہ اسرائیلی افواج نے کچھ خالی کرائے گئے گھروں کو بیرکوں اور مشاہداتی چوکیوں میں تبدیل کر دیا ہے۔ رام اللہ میں قائم حریات سینٹر فار ڈیفنس آف لبرٹیز اینڈ سول رائٹس کے ڈائریکٹر حلمی العراج کا کہنا ہے کہ الخلیل کا اسرائیل کا نو روزہ محاصرہ مقبوضہ مغربی کنارے کے وسیع تر الحاق کا خاکہ ہے۔