ممبرا کو ہرے رنگ سے رنگنے والی بیان پر قومی سطح پر تنازع کا شکار ہونے والی ممبرا سے پینل نمبر ۳۰؍ بی کی ایم آئی ایم کی نو منتخب کارپوریٹر سحر شیخ کے تعلق سے پارٹی کے ریاستی صدر امتیاز جلیل نے واضح کیا ہے کہ سحر شیخ نے کوئی قابل اعتراض بیان نہیں دیا ہے اور نہ ہی ہمارے ہندو بھائیوں کو ممبرا سے نکالنے کی بات کہی ہے،اس کے باوجود اس کے خلاف مقدمہ درج کرنے کیلئے دباؤ ڈالا جارہا ہے۔

ممبرا کو ہرے رنگ سے رنگنے والی بیان پر قومی سطح پر تنازع کا شکار ہونے والی ممبرا سے پینل نمبر ۳۰؍ بی کی ایم آئی ایم کی نو منتخب کارپوریٹر سحر شیخ کے تعلق سے پارٹی کے ریاستی صدر امتیاز جلیل نے واضح کیا ہے کہ سحر شیخ نے کوئی قابل اعتراض بیان نہیں دیا ہے اور نہ ہی ہمارے ہندو بھائیوں کو ممبرا سے نکالنے کی بات کہی ہے،اس کے باوجود اس کے خلاف مقدمہ درج کرنے کیلئے دباؤ ڈالا جارہا ہے۔پارٹی سحر کے اس بیان کے ساتھ کھڑی ہے اور اب یہ محض سحر کا بیان نہیں بلکہ  ایم آئی ایم پارٹی کا بیان ہے۔سنیچر کو کلیا ن پھاٹا میں پر یس کانفرنس سے خطاب کرتےہوئے  امتیاز جلیل نے یہ بھی کہا ہےکہ ’’سحر شیخ کو پولیس کی جانب سے جو نوٹس دیا گیا ہے اسے سپریم کورٹ لے جانے کی ہماری تیاری ہے۔‘‘ بی جے پی لیڈر کریٹ سومیا کے تعلق سے پوچھنے پر امتیاز جلیل نے کہا کہ’’ وہ کس آئینی عہدے پر فائز ہیں؟ جو سحر سے معافی کا مطالبہ کر رہے ہیں اور انہوں نے خود کئی اشتعال انگیز بیان دیئے ہیں، ان ہی کی پارٹی کے ایک لیڈر مسجدوں میں گھس کر مسلمانوں کو مارنے کی بات کرتے ہیں تو کیا پولیس نے ان کیخلاف کارروائی کی ؟‘‘ممبرا کے  ۵؍ فاتح کارپوریٹروں  کے ساتھ  امتیاز جلیل نے مزید کہاکہ’’سحر شیخ کا جو بیان ہے، اس میں کہیں بھی یہ نہیں کہا گیا ہے کہ ممبرا کے ہندو بھائی کو یہاں سے نکال باہر کردیں گے ۔ اگر سحر نے ایسا بیان دیا ہوتا تو پھر ایک ہندو بھائی میور سارنگ ہمارے ساتھ پریس کانفرنس میں نہیںبیٹھا ہوتا۔‘‘