سلیم خان بایوپک: بالی ووڈ سپر اسٹار سلمان خان جلد ہی اپنے کریئر کا ایک نہایت خاص اور جذباتی پروجیکٹ لے کر آنے والے ہیں۔ اپنی آنے والی فلم ’’بیٹل آف گلوان‘‘ کے ساتھ ساتھ اب خبر ہے کہ سلمان اپنے والد اور لیجنڈری اسکرین رائٹر سلیم خان کی زندگی پر مبنی بایوپک فلم پروڈیوس کریں گے، جس پر کافی عرصے سے چرچا چل رہا ہے۔

بالی ووڈ کے سپر اسٹار سلمان خان نے اب تک کئی فلمیں بنائی  ہیں اور چند دنوں میں ان کی فلم ’’بیٹل آف گلوان‘‘ ریلیز ہونے والی ہے۔ اسی کے ساتھ یہ خبر بھی سامنے آ رہی ہے کہ سلمان اب ایک نہایت خاص پروجیکٹ پر کام کرنے جا رہے ہیں۔ بتایا جا رہا ہے کہ اداکار اپنے والد اور مشہور اسکرین رائٹر سلیم خان کی بایوپک فلم کا پروڈکشن کریں گے۔ یہ پروجیکٹ کافی وقت سے خبروں میں ہے۔
سلیم خان انڈسٹری کا ایک بڑا نام ہیں۔ ان کے شاندار سفر  جدوجہد اور سنیما میں ان کے تعاون پر ہمیشہ بات ہوتی رہی ہے۔ اب یہ سب کچھ بڑے پردے پر دیکھنے کو ملے گا۔ سلیم خان ہندی سنیما کے سب سے بااثر مصنفین میں سے ایک رہے ہیں اور انہوں نے سلیم جاوید  کی جوڑی کے طور پر کئی یادگار اور زبردست فلموں کی کہانیاں لکھیں، جنہوں نے بالی ووڈ میں کہانی کہنے کے انداز کو بدل کر رکھ دیا۔

یہ بھی پڑھئے:مونی رائے کے ساتھ ہریانہ میں دست درازی، ضعیف شیدائی نے زبردستی کی

بے صبری سے انتظار 
سلمان خان کے لیے یہ فلم صرف ایک فلم نہیں بلکہ اپنے والد کو خراجِ تحسین  پیش کرنے جیسا پروجیکٹ ہے  کیونکہ سلیم خان نے نہ صرف اپنے بیٹے کے کریئر کی بنیاد رکھی بلکہ ہندی سنیما کے گولڈن ایرا کی تحریر کو بھی ایک شکل دی۔ سلیم خان کے مداح ان کی بایوپک کا بے صبری سے انتظار کر رہے ہیں۔ سلیم خان نے کئی بار اپنی جدوجہد کے بارے میں بات کی ہے اور ان کی کہانی واقعی خاصی متاثر کن ہے۔

یہ بھی پڑھئے:رنجی ٹرافی: سرفراز کے بعد گیند بازی میں مشیرخان کا جلوہ، ممبئی کی ۹؍ وکٹ سے فتح

کئی ایوارڈز حاصل کیے 
سلیم خان اور جاوید اختر کی جوڑی بے حد شاندار رہی ہے۔ ’’سیتا اور گیتا‘‘،’’‘زنجیر‘‘،’’دیوار‘‘،’’‘شعلے‘‘، ’’ترشول‘‘،’’کرانتی‘‘ اور’’ ڈان‘‘ جیسی فلموں کی کامیابی کے پیچھے انہی کا نام ہے۔ سلیم خان نے کئی ایوارڈز بھی اپنے نام کیے ہیں۔ تاہم اس پروجیکٹ کے بارے میں ابھی زیادہ معلومات سامنے نہیں آئی ہیں، نہ ہی یہ معلوم ہے کہ فلم میں سلیم خان کا کردار کون سا اداکار نبھائے گا۔ مداح  اس پروجیکٹ کے لیے کافی پُرجوش ہیں۔