صحیح کوششوں سے اس سال صحت عامہ کی یہ ایمرجنسی باضابطہ طور پر ختم ہو جائے گی:ٹیڈروس
EPAPER
Updated: January 06, 2023, 12:08 PM IST | Gevena
صحیح کوششوں سے اس سال صحت عامہ کی یہ ایمرجنسی باضابطہ طور پر ختم ہو جائے گی:ٹیڈروس
سال ۲۰۲۳ء تک دنیا کورونا سے پاک ہوسکتی ہے۔ میڈیا رپورٹس کے مطابق ورلڈ ہیلتھ آرگنائزیشن (ڈبلیو ایچ او) کے ڈائریکٹر جنرل ٹیڈروس اذانوم گیبریئس نے امید ظاہر کی ہے کہ کووڈ۱۹؍ کی وبا۲۰۲۳ء میں ختم ہو جائے گی۔ اس سلسلے میں ٹیڈروس نے پریس کانفرنس سے خطاب کرتے ہوئے کہا ، ’’کووڈ۱۹؍ بلاشبہ اب بھی بحث کا ایک اہم موضوع ہے لیکن مجھے یقین ہے اور امید ہے کہ صحیح کوششوں سے اس سال صحت عامہ کی یہ ایمرجنسی باضابطہ طور پر ختم ہو جائے گی۔‘‘
انہوں نے کہا کہ طبی نگہداشت، ٹیکہ کاری اور علاج میں بہتری کی وجہ سے دنیا اب چند سال پہلے کی بہ نسبت بہتر حالت میں ہے۔انہوں نے کہا،’’ٹیسٹنگ، علاج اور ٹیکہ کاری تک رسائی میں اب بھی بڑے پیمانے پر امتیاز پایا جارہا ہے۔ اس میں کوئی شک نہیں کہ کورونا ،انسانی صحت، معیشت معاشرے کیلئے ایک خطرناک وائرس بن گیا ہے۔‘‘واضح رہے کہ کورونا وائرس کا پہلا مریض دسمبر۲۰۱۹ء میں چین کے شہر ووہان میں ملا تھا۔