وزارت شماریات اور پروگرام کے نفاذ کی طرف سے جاری رپورٹ میں یہ اعداد وشمار سامنےآئے

  صنعتی پیداوار کے اشاریہ (آئی آئی پی) پر مبنی ملک کی صنعتی پیداوار میں نومبر۲۰۲۲ء میں ایک سال پہلے کے اسی مہینے کے مقابلے میں۷ء۱؍ فیصد کا اضافہ درج کیاگیا۔
یہ معلومات جمعرات کو وزارت شماریات اور پروگرام کے نفاذ کی طرف سے جاری کردہ رپورٹ میں دی گئی۔ اکتوبر۲۰۲۲ء میں صنعتی پیداوار میں ۴؍ فیصد کمی ہوئی تھی، جبکہ نومبر۲۰۲۱ء میں صنعتی پیداوار میں سالانہ بنیادوں پر ایک فیصد اضافہ ہواتھا۔ اعداد و شمار کے مطابق اپریل -نومبر ۲۰۲۲ء  کے دوران صنعتی پیداوار میں سالانہ بنیادوں پر۵ء۵؍  فیصد کا اضافہ ریکارڈ کیا گیا ہے۔ اس کے  مطابق نومبر۲۰۲۲ءمیں مینوفیکچرنگ  سیکٹر کی پیداوار میں سالانہ بنیادوں پر۶ء۱؍ فیصد اضافہ ہوا 
 زیر جائزہ ماہ میں کان کنی کے شعبے کی پیداوار میں۹ء۷؍  فیصد اور بجلی کی پیداوار میں۱۲ء۷؍ فیصد کا اضافہ درج کیا گیا۔جمعرات کو  جاری کردہ اعداد و شمار کے مطابق دسمبر میں خوردہ مہنگائی کی شرح کم ہوکر۵ء۷۲؍  پر آگئی جو ایک سال کی کم ترین سطح ہے۔