سعودی وزارت انسانی وسائل و سماجی ترقی نے تصدیق کی ہے کہ مملکت میں کفیل حضرات کی یہ ذمہ داری قرار دی گئی ہے کہ وہ اپنے ملازمین کے پیشے کی تبدیلی کی فیس بھی ادا کریں گے۔
سعودی وزارت انسانی وسائل و سماجی ترقی نے تصدیق کی ہے کہ مملکت میں کفیل حضرات کی یہ ذمہ داری قرار دی گئی ہے کہ وہ اپنے ملازمین کے پیشے کی تبدیلی کی فیس بھی ادا کریں گے۔ وزارت کے مطابق سعودی کفیل اورآجر اپنے کارکنان کی مختلف مواقع اور مقاصد کیلئے فیس کی ادائیگی کے پابند ہوں گے۔ یہ فیس کارکنان کے ذمہ نہیں ہو گی۔
سعودی کفیل اپنے زیر کفالت کارکنان کی رہائش کیلئے اقامہ فیس ،مملکت میں کام کرنےکا لائسنس حاصل کرنے کی فیس، ورک پرمٹ کی تجدید کی فیس کی ادائیگی کے ذمہ دار ہوں گے۔ نیزان امور میں کسی قسم کا متعلقہ کارکن کو جرمانہ ہونے کی صورت میں اس جرمانے کی ادائیگی کی بھی آجر کے ذمہ ہو گی۔مزید یہ اپنے کارکنان کی مملکت میں آمد اور مملکت سے جانے کے ائیر ٹکٹ کی رقم بھی سعودی کفیل کے ذمہ ہو گی۔
وزارت انسانی وسائل و سماجی ترقی نے یہ بھی کہا ہے کہ غیر ملکی کارکنان کو یہ حق ہو گا کہ وہ ملازمت سے فراغت پر اپنی ملازمت اور تجربے کا سرٹیفکیٹ اپنے آجر سے طلب کریں۔ یہ سرٹیفکیٹ انہیں لازماً دیا جائے گا اور کسی قسم کی فیس کے بغیر دیا جائے گا۔آجر حضرات کی طرف سے جاری کئے گئے سرٹیفکیٹ پر متعلقہ کارکنان کی ملازمت جوائن کرنے اور مکمل کرنے کی تاریخیں بھی درج ہوں گی۔ نیز ان پر آخری وصول کردہ تنخواہ بھی درج کی جائے گی۔
