ہندوستانی کرکٹ ٹیم کے سابق بیٹنگ کوچ اور مایہ ناز بلے باز سنجے بانگر کا ماننا ہے کہ بائیں ہاتھ کے فاسٹ بالرز کی فہرست میں محسن خان سب سے زیادہ متاثر کن کھلاڑی بن کر ابھرے ہیں۔ انہوں نے سلیکٹرز پر زور دیا ہے کہ وہ محسن خان کی کارکردگی اور فٹنس پر گہری نظر رکھیں۔

ہندوستانی کرکٹ ٹیم کے سابق بیٹنگ کوچ اور مایہ ناز بلے باز سنجے بانگر کا ماننا ہے کہ بائیں ہاتھ کے فاسٹ بالرز کی فہرست میں محسن خان سب سے زیادہ متاثر کن کھلاڑی بن کر ابھرے ہیں۔ انہوں نے سلیکٹرز پر زور دیا ہے کہ وہ محسن خان کی کارکردگی اور فٹنس پر گہری نظر رکھیں۔

Certified run stoppers 🛑 pic.twitter.com/SIkiBd0erL

— Lucknow Super Giants (@LucknowIPL) April 27, 2026

اتوار کی رات لکھنؤ سپر جائنٹس اور کولکاتا نائٹ رائڈرز کے درمیان کھیلے گئے میچ میں محسن خان نے تباہ کن بالنگ کرتے ہوئے محض ۲۳؍ رنز دے کر ۵؍کھلاڑیوں کو پویلین کی راہ دکھائی۔ ان کی اس کارکردگی نے مبصرین کو اپنی جانب متوجہ کر لیا ہے۔بانگر نے محسن خان کی مہارت کی تعریف کرتے ہوئے کہا کہ محسن خان کو پچ سے غیر معمولی اچھال ملتا ہے جو بلے بازوں کے لیے مشکلات پیدا کرتا ہے۔ وہ ایک ہی لینتھ پر مسلسل گیند بازی کرنے کی صلاحیت رکھتے ہیں۔

یہ بھی پڑھئے:ایل ایس جی کو سپر اوور میں ہرا کر کے کے آر نے دوسری کامیابی حاصل کی

 بانگر کے مطابق، محسن کے پاس وہ ہیوی بال  ہے جو ایک بہترین بائیں ہاتھ کے سیمر کی پہچان ہوتی ہے۔ ہندوستان کے پاس بلے بازوں کی کمی نہیں، لیکن بائیں ہاتھ کے تیز بالرز کا تنوع ( ویرائٹی) کم ہے۔ ٹی ۲۰؍ ورلڈ کپ جیتنے والی ٹیم میں بھی عرشدیپ سنگھ واحد ماہر بائیں ہاتھ کے باؤلر تھے۔ محسن خان اس کمی کو پورا کر سکتے ہیں۔سابق ویسٹ انڈین آل راؤنڈر اور ٹی۲۰؍ ورلڈ کپ ہیرو کارلوس بریتھویٹ نے بھی محسن خان کے ڈسپلن کی تعریف کی۔ انہوں نے ایک اسپورٹس شو میں بات کرتے ہوئے کہاکہ ’’ محسن خان کی بالنگ سادہ لیکن انتہائی اثر دار ہے۔ انہوں نے نہ صرف اچھی لینتھ برقرار رکھی بلکہ شارٹ گیندوں کا استعمال کرتے ہوئے پچ پر زور سے ہٹ کیا، جو ایک کامیاب فاسٹ باؤلر کی نشانی ہے۔

یہ بھی پڑھئے:فلم ’’مائیکل ‘‘میں نظر آنے والا مائیکل جیکسن کا پالتو چمپینزی ببلز اس وقت کہاں ہے؟

محسن خان، جو طویل عرصے تک انجری کا شکار رہے تھے، اب اپنی بہترین فٹنس اور فارم کی واپسی کے ساتھ ہندوستانی ٹیم کے دروازے پر دستک دے رہے ہیں۔ ماہرین کا خیال ہے کہ اگر وہ اسی طرح کارکردگی دکھاتے رہے تو جلد ہی نیلی جرسی میں نظر آسکتے ہیں۔