ہندوستا نی ڈجیٹل نیوز پبلشرز نے حکومت سے مطالبہ کیا ہے کہ وہ غیر ملکی ڈجیٹل کمپنیوں پر ایکولائزیشن لیوی دوبارہ نافذ کرے۔ ان کا موقف ہے کہ لیوی ہٹانے سے غیر منصفانہ طور پر غیر ملکی کمپنیوں کو فائدہ پہنچ رہا ہے۔

ہندوستا نی ڈجیٹل نیوز پبلشرز نے حکومت سے مطالبہ کیا ہے کہ وہ غیر ملکی ڈجیٹل کمپنیوں پر ایکولائزیشن لیوی دوبارہ نافذ کرے۔ ان کا موقف ہے کہ لیوی ہٹانے سے غیر منصفانہ طور پر غیر ملکی کمپنیوں کو فائدہ پہنچ رہا ہے اور ہندوستانی پبلشرز کی پوزیشن کمزور ہو رہی ہے۔ فرانس اور برطانیہ جیسے ممالک کی مثالوں کا حوالہ دیتے ہوئے پبلشرز نے دلیل دی کہ ڈجیٹل میڈیا کے مستقبل کو محفوظ بنانے کے لیے ہندوستان میں یکساں پالیسی ضروری ہے۔

یہ بھی پڑھیئے:ہندوستان-امریکہ تجارتی مذاکرات: پیوش گوئل امریکہ کا دورہ کریں گے

ہندوستانی ڈجیٹل نیوز پبلشرز نے حکومت سے مطالبہ کیا ہے کہ وہ غیر ملکی ڈجیٹل کمپنیوں پر ایکولائزیشن لیوی دوبارہ نافذ کرے۔ ان کا موقف ہے کہ لیوی کے خاتمے سے ملکی اور غیر ملکی کمپنیوں کے درمیان غیر مساوی صورتحال پیدا ہو گئی ہے۔ اس سے غیر ملکی ٹیکنالوجی کمپنیوں کو زیادہ فائدہ پہنچ رہا ہے  جب کہ ہندوستانی پبلشرز کا زندہ رہنا مشکل ہو رہا ہے۔ ڈجیٹل نیوز پبلشرز نے ریلویز، اطلاعات و نشریات، اور الیکٹرانکس اور آئی ٹی کے وزیر اشونی ویشنو کو ایک رسمی نمائندگی بھیجی ہے۔ اس میں کہا گیا ہے کہ لیوی کے خاتمے سے غیر ملکی پلیٹ فارمز کو ایک برتری حاصل ہوئی ہے۔ یہ پلیٹ فارم اب براہ راست یا بلاواسطہ خبریں بھی تقسیم کر رہے ہیں جس سے  ہندوستانی کمپنیوں کی مشکلات میں اضافہ ہو گیا ہے۔
چھ فیصد لیوی نے توازن پیدا کر دیا تھا 
پبلشرز نے یاد کیا کہ جب چھ فیصد برابری لیوی نافذ کی گئی تو ملکی اور بین الاقوامی کمپنیوں کے درمیان توازن پیدا ہو گیا تاہم، اس کے ہٹانے سے ہندوستانی کمپنیوں کے استحکام پر اثر پڑا ہے۔ پہلے ہی وسائل کی رکاوٹوں کا سامنا کرنے والے پبلشرز کو بین الاقوامی  کمپنیوں کے ساتھ مقابلہ کرنا اور بھی مشکل محسوس ہوا ہے۔
خودمختار ہندوستان سے جڑا مسئلہ
ڈجیٹل نیوز پبلشرز نے کہا کہ وہ حکومت کے `ڈجیٹل انڈیا ، `میک ان انڈیا  اور `آتم نر بھر بھارت  کے وژن میں پرعزم شراکت دار ہیں  لیکن اس کے لیے یکساں ٹیکس ڈھانچہ اور منصفانہ پالیسیوں کی ضرورت ہے۔ جہاں غیر ملکی کمپنیاں ٹیکس لگائے بغیر ہندوستانی مارکیٹ سے منافع کمارہی ہیں، ہندوستانی پبلشر معیاری صحافت کی قیمت برداشت کررہے ہیں۔