ساتوک سایراج رینکیریڈی اور چراغ شیٹی کی ہندوستان کی ٹاپ مینز ڈبلز جوڑی کو ایک اور شکست کا سامنا کرنا پڑا جب وہ اتوار کو چائنا ماسٹرز سپر۷۵۰؍ بیڈمنٹن ٹورنامنٹ کے فائنل میں دنیا کی نمبر ایک کوریائی جوڑی کم وون ہو اور سیو سیونگ جے سے سیدھے گیمز میں ہار گئے۔

ساتوک سایراج رینکیریڈی اور چراغ شیٹی کی ہندوستان کی ٹاپ مینز ڈبلز جوڑی کو ایک اور  شکست کا سامنا کرنا پڑا جب وہ اتوار کو چائنا ماسٹرز سپر۷۵۰؍ بیڈمنٹن ٹورنامنٹ کے فائنل میں دنیا کی نمبر ایک کوریائی جوڑی کم وون ہو اور سیو سیونگ جے سے سیدھے گیمز میں ہار گئے۔

یہ بھی پڑھیئے:ہاردک پانڈیا ٹی ۲۰؍ میں ہندوستان کے دوسرے کامیاب ترین بولر بننے کے قریب

ایشین گیمز کے چمپئن فائنل میں اپنے ٹائٹل کی قحط کو ختم کرنے کی امید کر رہے تھے لیکن پہلے گیم میں  ۷۔۱۴؍ کی زبردست برتری حاصل کرنے کے باوجود وہ۴۵؍ منٹ میں۱۹۔۲۱، ۱۵۔۲۱؍ سے ہار گئے۔ ساتوک اور چراغ مسلسل دوسرے فائنل میں اچھے  فارم میں نظر آئے۔ عالمی چمپئن شپ میں اپنا دوسرا کانسہ کا تمغہ جیتنے اور ہانگ کانگ اوپن میں رنر اپ ہونے کے بعد ہندوستانی جوڑی نے پورے ہفتے ایک بھی گیم نہیں ہارا تاہم انہیں مضبوط پوزیشن میں ہونے کے باوجود پہلا گیم ہارنے کا ضرور پچھتاوا ہوگا۔
 کم اور سیو دوسرے پارٹنرس کے ساتھ تجربہ کرنے کے بعد اس سیزن میں دوبارہ اکٹھے ہوئے۔ یہ جوڑی ۲۰۲۵ء کے اپنے ۹؍ویں فائنل میں کھیل رہی تھی اور پہلے ہی ۶؍ خطاب  جیت چکی تھی، جس میں پیرس میں ورلڈ چمپئن  شپ گولڈ میڈل اور آل انگلینڈ اور انڈونیشیا اوپن سپر۱۰۰۰؍ ٹائٹلز شامل ہیں۔ اس میچ کو دنیا کے بہترین حملے اور بہترین دفاع کے درمیان جنگ قرار دیا گیا، اور کم اور سیو نے جیتنے کے لیے اعلیٰ صبر اور تکنیکی صلاحیت کا مظاہرہ کیا۔

Back-to-back silvers for Satwik–Chirag🥈

A tough battle, a wholehearted fight. The pair left it all on court 💪🏸

A quick turnaround and full focus ahead for the #SmashBros ! pic.twitter.com/ZfhIRzqFjB

— BAI Media (@BAI_Media) September 21, 2025

کوریائی ٹیم نے پہلے گیم میں۰۔۳؍ کی برتری حاصل کرتے ہوئے اچھی شروعات کی لیکن ہندوستانی جوڑی نے زبردست اسمیشز کا مقابلہ کرتے ہوئے اسکور کو۶۔۶؍ سے برابر کردیا۔ جال میں چراغ کے درست شاٹس نے وقفے پر ہندوستانی جوڑی کو ۷۔۱۱؍کی برتری دلائی اور انہوں نے جلد ہی اسے ۸۔۱۴؍ تک بڑھا دیا  تاہم  کچھ غلطیاں ہوئیں۔ ایک ناکام ویڈیو چیلنج نے ساتوک اور چراغ کی رفتار میں خلل ڈالا اور کوریائی جوڑی نے اگلے ۹؍ پوائنٹس میں سے ۸؍ جیت کر اسکور کو۱۵۔۱۵؍ پر برابر کردیا۔
 نیٹ پر چراغ کی غلطی نے کوریائی کھلاڑیوں کو ۱۷۔۱۹؍ کی برتری دلائی، لیکن ہندوستانی جوڑی نے جوابی مقابلہ کرتے ہوئے سیو کی غلطی کا استعمال کرتے ہوئے اسے۱۹۔۱۹؍ کردیا۔ بائیں ہاتھ کے کم نے تیز فاتح کے ساتھ ایک گیم پوائنٹ حاصل کیا، اور چراغ نے اس کے بعد شاٹ آؤٹ کے ساتھ کوریائی جوڑی  کو پہلا گیم دلایا۔ دوسرے گیم میں ہندوستانی جوڑی نے۲۔۳؍ کی برتری حاصل کی ۔