ہندوستانی روپے، امریکی ڈالر کے مقابلے میں ۸ء۹۵ کی ریکارڈ نچلی سطح پر پہنچ گیا ہے۔ اس طرح ہندوستانی کرنسی ۲۰۲۶ء میں ایشیا کی بدترین کارکردگی دکھانے والی کرنسی بن گئی ہے۔ ۲۰۲۶ء کے آغاز سے اب تک روپے کی قدر میں ۵ء۶ فیصد سے زائد اور ۲۸ فروری کو امریکہ-ایران جنگ کے آغاز سے اب تک تقریباً ۵ فیصد کی کمی واقع ہوئی ہے۔

خام تیل کی بڑھتی قیمتوں، غیر ملکی سرمایہ کے اخراج اور مغربی ایشیا میں کشیدگی کے درمیان ہندوستانی روپے، امریکی ڈالر کے مقابلے میں ۸ء۹۵ کی ریکارڈ نچلی سطح پر پہنچ گیا ہے۔ اس طرح ہندوستانی کرنسی ۲۰۲۶ء میں ایشیا کی بدترین کارکردگی دکھانے والی کرنسی بن گئی ہے۔

۲۰۲۶ء کے آغاز سے اب تک روپے کی قدر میں ۵ء۶ فیصد سے زائد اور ۲۸ فروری کو امریکہ-ایران جنگ کے آغاز سے اب تک تقریباً ۵ فیصد کی کمی واقع ہوئی ہے۔ مبینہ طور پر ریزرو بینک آف انڈیا (آر بی آئی) نے اس گراوٹ کی رفتار کو سنبھالنے کیلئے ۸۰ء۹۵ سے ۹۰ء۹۵ کی حد کے قریب سرکاری بینکوں کے ذریعے ڈالر فروخت کرکے مداخلت کی ہے۔

تجزیہ کار روپے کی قدر میں اس زبردست گراوٹ کو تیل کی بڑھتی ہوئی قیمتوں کے علاوہ، طویل عرصے سے جاری کرنٹ اکاؤنٹ خسارے، غیر ملکی پورٹ فولیو سرمایہ کاروں (ایف پی آئی) کا ریکارڈ اخراج، آف شور-آن شور آربیٹریج ٹریڈنگ، سخت مارکیٹ ریگولیشن اور عالمی سطح پر مصنوعی ذہانت (اے آئی) سے پیدا ہونے والے معاشی خلل کے دباؤ سے جوڑ کر پیش کررہے ہیں۔

یہ بھی پڑھئے: یو اے ای دنیا کے مستحکم ترین معیشت کے حامل ممالک کی فہرست میں اول؛ ہندوستان ۴۷ ویں مقام پر

ایشیا میں ہندوستانی روپے کے علاوہ انڈونیشیائی روپیہ (rupiah) بھی دباؤ کی زد میں آیا ہے۔ انڈونیشیائی کرنسی سال کے آغاز سے اب تک تقریباً ۶ء۴ فیصد گرنے کے بعد امریکی ڈالر کے مقابلے میں ۱۷۶۰۰ کی سطح سے نیچے چلی گئی ہے۔ بینک انڈونیشیا نے ڈالر کی مضبوطی، جیو پولیٹیکل خطرات اور بانڈ مارکیٹ سے سرمائے کے اخراج کو اس گراوٹ کی وجوہات قرار دیا ہے۔ بینک نے کرنسی کو مستحکم کرنے کیلئے اسپاٹ، ڈی این ڈی ایف اور این ڈی ایف مارکیٹوں میں مداخلت کی ہے۔

فلپائن میں، نائب صدر سارا دوتیرتے (Sara Duterte) کے خلاف مواخذے کی کارروائی کے گرد گھومتی سیاسی غیر یقینی صورتحال کے درمیان، ۱۴ مئی کو ایک ہی تجارتی سیشن میں ۲۶ سینٹاوو (centavos) گنوانے کے بعد فلپائنی پیسو (peso) ڈالر کے مقابلے میں ۶۴ء۶۱ کی ریکارڈ نچلی سطح پر آگیا۔ اس سال فلپائنی کرنسی میں تقریباً ۴ فیصد کی کمزوری آئی ہے۔

یہ بھی پڑھئے: ایران جنگ کے بعد دنیا کی بڑی ٹیک کمپنیوں کی مارکیٹ ویلیو ۱۸ء۴؍ کھرب ڈالر بڑھی

جنوبی کوریا کا وان (won) امریکی ڈالر کے مقابلے میں تقریباً ۳۲ء۱۴۹۸ پر ٹریڈ کر رہا تھا۔ وان کی قدر میں اس سال تقریباً ۳ فیصد کی گراوٹ آئی ہے۔ تجزیہ کاروں نے اس کمی کی وجہ ڈھانچہ جاتی سرمائے کے اخراج کو قرار دیا ہے کیونکہ سرمایہ کار اپنے اثاثے امریکہ میں منتقل کر رہے ہیں۔ تھائی لینڈ کا بات (baht) ڈالر کے مقابلے میں ۶ء۲ فیصد کمزور ہو کر ۵۸ء۳۲ پر آ گیا ہے اور تیل کی درآمدی لاگت میں اضافے اور ڈالر کی مالیت والے محفوظ اثاثوں کی عالمی مانگ کے باعث اس میں مزید کمی کا امکان ظاہر کیا جا رہا ہے۔ 

دوسری جانب، ہانگ کانگ ڈالر اپنے کرنسی پیگ سسٹم کی وجہ سے امریکی ڈالر کے مقابلے میں ۸۲ء۷ پر نسبتاً مستحکم رہا۔ تائیوان ڈالر امریکی ڈالر کے مقابلے میں تقریباً ۵۴ء۳۱ پر ٹریڈ کر رہا تھا۔ اس ماہ کے شروع میں برآمد کنندگان کی جانب سے اپنے ڈالر کے ذخائر کو مقامی کرنسی میں تبدیل کرنے کی وجہ سے اس میں شدید اتار چڑھاؤ دیکھا گیا تھا۔