مہنگی ٹیک مصنوعات تیار کرنے والی امریکی کمپنی ایپل کی آمدنی۲۷؍ دسمبر ۲۰۲۵ء کو ختم ہونے والی سہ ماہی میں سالانہ ۱۵؍ فیصد اضافے کے ساتھ نئی ریکارڈ سطح پر پہنچ گئی، جس میں ہندوستانی مارکیٹ میں آئی فون سے ریکارڈ سہ ماہی آمدنی بھی شامل ہے۔

مہنگی ٹیک مصنوعات تیار کرنے والی امریکی کمپنی ایپل کی آمدنی۲۷؍ دسمبر ۲۰۲۵ء کو ختم ہونے والی سہ ماہی میں سالانہ ۱۵؍ فیصد اضافے کے ساتھ نئی ریکارڈ سطح پر پہنچ گئی، جس میں ہندوستانی مارکیٹ میں آئی فون سے ریکارڈ سہ ماہی آمدنی بھی شامل ہے۔
سہ ماہی کے دوران کمپنی کی مجموعی آمدنی۶۵ء۱۵؍ فیصد بڑھ کر ریکارڈ۷۶ء۱۴۳؍  ارب ڈالر تک پہنچ گئی۔ اس میں آئی فون کی آمدنی۲۷ء۸۵؍  ارب ڈالر، میک کی۳۹ء۸؍ ارب ڈالر اور آئی پیڈ سے ۶ء۸؍ ارب ڈالر درج کی گئی۔ بقیہ حصہ ویئریبلز کا رہا۔ ان مصنوعات کی سروسنگ سے کمپنی کو۰۱ء۳۰؍  ارب ڈالر کی کمائی ہوئی۔ ایپل کو سہ ماہی میں۱ء۴۲؍ ارب ڈالر کا خالص منافع حاصل ہوا، جو ایک سال پہلے کے مقابلے میں ۸۷ء۱۵؍ فیصد زیادہ ہے۔
ایپل کے چیف فنانشل آفیسر کیون پاریکھ نے بتایا کہ ہندوستان میں پہلے سے موجود صارفین سے بھی آمدنی میں اضافہ ہو رہا ہے۔ انہوں نے کہا کہ آئی فون ۱۷؍ کی وجہ سے سال بہ سال آئی فون کی آمدنی میں ۲۳؍ فیصد اضافہ ہوا۔ آئی فون نے عالمی سطح پر بھی اچھی کارکردگی دکھائی، جس میں امریکہ، چین، لاطینی امریکہ، مغربی یورپ، مشرقِ وسطیٰ، آسٹریلیا اور جنوبی ایشیا شامل ہیں۔ اس کے ساتھ ہی ہندوستان میں دسمبر کی سہ ماہی کا ریکارڈ بھی قائم ہوا۔

یہ بھی پڑھئے:فرحان اختر فی الحال ’’ڈان ۳‘‘ نہیں بنائیں گے، توجہ ’’جی لے ذرا‘‘ پر مرکوز

ہندوستانی مارکیٹ سے متعلق ایک سوال کے جواب میں ایپل کے چیف ایگزیکٹیو آفیسر ٹِم کُک نے کہا کہ ’’ہم نے دسمبر کی سہ ماہی میں آمدنی کا ریکارڈ بنایا۔ ہم نے آئی فون، میک اور آئی پیڈ پر سہ ماہی آمدنی کے ریکارڈ قائم کیے اور فروخت کے بعد خدمات میں اب تک کی سب سے زیادہ آمدنی کا ریکارڈ بھی بنایا۔ یہ ہندستان میں ایک شاندار سہ ماہی تھی۔ یہ دنیا کی دوسری سب سے بڑی اسمارٹ فون مارکیٹ اور چوتھی سب سے بڑی پی سی مارکیٹ ہے۔ ماضی میں اچھی ترقی کے باوجود وہاں ہماری حصے داری اب بھی بہت کم ہے، اس لیے ہمیں وہاں بہت بڑے مواقع نظر آتے ہیں۔ ہندوستان میں زیادہ تر صارفین آئی فون، میک، آئی پیڈ اور گھڑیاں خرید رہے ہیں۔‘‘

یہ بھی پڑھئے:امریکہ: پاسپورٹ ماتھے پر چسپاں کرکے ،عوام کا ٹرمپ انتظامیہ کے خلاف منفرد احتجاج

اس سے قبل مسٹر کُک نے کمپنی کی کارکردگی پر تبصرہ کرتے ہوئے بتایا کہ امریکہ، یورپ، جاپان اور ایشیا-بحرالکاہل کے دیگر ممالک میں سہ ماہی آمدنی کا نیا ریکارڈ قائم ہوا ہے اور بیشتر بازاروں میں ترقی درج کی گئی ہے۔ ابھرتی ہوئی منڈیوں میں کمپنی کی گرفت مسلسل مضبوط ہو رہی ہے، جن میں ہندوستان بھی شامل ہے۔انہوں نے بتایا کہ کمپنی جلد ہی ممبئی میں ایک اور اسٹور کھولے گی، جو ملک میں اس کا چھٹا اسٹور ہوگا۔کمپنی کے مطابق فی شیئر اس کی آمدنی ۸۴ء۲؍ ڈالر رہی، جو گزشتہ سال کے مقابلے میں ۱۹؍ فیصد زیادہ ہے۔