سپریم نیشنل سیکوریٹی کونسل نے بیان جاری کرکے صہیونی ملک کو انتباہ دیا، اپنے دفاع کو مزید مضبوط بنانے کا اعلان

ایران نے اسرائیل کے لئے انتہائی سخت وارننگ جاری کی ہے۔ اس نے  خبردار کیا ہے کہ اگر  اسرائیل کی جانب سےاس کی اہم تنصیبات یا بنیادی ڈھانچے کو نشانہ بنایا گیا تو اس کا سخت اور فیصلہ کن جواب دیا جائے گا جس سے اسرائیل کا وجود ہی مٹ جائے گا ۔ ایران کی سپریم نیشنل سیکوریٹی کونسل کے سیکریٹری محمد باقر ذوالقدر نے یہ انتباہ جاری کیا اور کہا کہ ایران اپنی قومی سلامتی اور خودمختاری کیخلاف کسی بھی کارروائی کا مؤثر جواب دینے کی مکمل صلاحیت رکھتا ہے۔
  اس سے قبل اسرائیل کے وزیراعظم نیتن یاہو نے کہا تھا کہ اسرائیل کسی بھی صورت میں ایران کو جوہری ہتھیار حاصل کرنے کی اجازت نہیں دے گا اور اس کے لئےجو بن پڑے وہ کرے گا۔ نیتن یاہو کے اسی بیان پر ایران کی نیشنل سیکوریٹی کونسل نے ردعمل دیا ہے۔ اس نے اسرائیل اور امریکہ دونوں پر واضح کردیا ہے کہ ایران اب مزید حملے برداشت نہیں کرے گا۔ اگر اب دوبارہ حملے ہوئے تو اسرائیل کو اس کا بہت بڑا خمیازہ بھگتنا پڑے گا۔واضح رہے کہ اسرائیل دوبارہ حملوں کی تیاری کررہا ہے۔