آئرلینڈ کے وزیر اعظم لیووارڈکر نے جمعرات کو ڈبلن میں پیش آنے والے تشدد کےحوالےسے کہا کہ مظاہرین نے پولیس سےلڑائی کی اور دکانوں کو لوٹا۔ نفرت نے انہیں ایسا کرنے کی ترغیب دی ہے۔ انہوں نے یقین دہانی کروائی کہ ان کی حکومت تشدد میں ملوث افراد کو سزا دینے کیلئے قانون کے ہر ذرائع کا استعمال کرے گی اورآئر لینڈ کے نفرت اور اشتعال انگیزی کے قوانین میں جدت لائی جائے گی۔

آئرلینڈ کے وزیر اعظم لیو وراڈکر نے جمعہ کو ڈبلن میں پیش آنے والی واردات کے تعلق سے کہا کہ ڈبلن کے ایک اسکول میں ہونے والی چاقو زنی کے بعد مظاہرین نے پولیس سے لڑائی کی اور دکانوں کو لوٹا۔ انہیں ایسا کرنے کی ترغیب نفرت نے دی۔ وہ آئرلینڈ کیلئے شرمندگی کا باعث بنے ہیں۔

We are all shocked by the incident which has taken place in Parnell Square. A number of people have been injured, some of them children. Our thoughts and our prayers go out to them and their families.

— Leo Varadkar (@LeoVaradkar) November 23, 2023

خیال رہے کہ جمعرات کو آئرلینڈ کے دارالحکومت ڈبلن میں چاقو زنی کی واردات ہوئی تھی جس میں ۳؍ طلبہ کے زخمی ہونے کے بعد فساد جیسی صورتحال پیدا ہو گئی تھی۔ پولیس کے مطابق ایسا تشدد دہائیوں میں نہیں دیکھا گیا۔ پولیس نے اس کیلئے ۳۴؍ افراد کو حراست میں لیا ہے۔ وراڈکر نے اس تشدد کو ’’مجرمانہ‘‘ قرار دیتے ہوئے کہا کہ اس میں جو لوگ ملوث تھے، انہوں نے ڈبلن، آئرلینڈ، اپنے آپ اور اپنے خاندانوں کو شرمندہ ہونے کا موقع دیا ہے۔ انہوں نے وطن کی محبت میں نہیں آئرش لوگوں کو بچانے کیلئے ایسا کیا۔ انہوں نے ایسا اس لئے کیا کیونکہ ان میں نفرت تھی۔ انہیں تشدد پسند ہے۔ انہیں افراتفری اور دوسروں کو تکلیف پہنچانا پسند ہے۔

خیال رہے کہ ڈبلن میں یہ بد امنی تب پھیلی تھی جب ایک پانچ سالہ بچی کو مبینہ چاقوزنی میں شدید چوٹیں آئی تھیں۔ بعد ازیں ۲؍ بچے، ایک خاتون اور حملے کا مشتبہ ملزم بھی زخمی ہوئے تھے جنہیں اسپتال داخل کیا گیا ہے۔ حملہ آور کی قومیت کے بارے میں سوشل میڈیا پر افواہوں نے، جسے پولیس نے صرف پچاس کی دہائی کے آدمی کے طور پر بیان کیا، حملے کے بعد بدامنی کو ہوا دینے میں مدد کی۔ پولیس نے الزام عائد کیا ہے کہ یہ دائیں محاذ کے نظریات کا پاگل پن ہے جس نے اس تشدد کو ہوا دی ہے۔
وراڈکر نے مزید کہا کہ ایک ملک کے طور پر ہمیں آئر لینڈ کو کارآمد بنانے کی ضرورت ہے۔ ہمیں اسے ایسے بزدلوں سے دور کرنے کی ضرورت ہے جو منظر عام پر آنے سے کتراتے ہیں اور ہمیں اپنے تشدد سے ڈرانے کی کوشش کرتے ہیں۔ انہوں نے یہ بھی وعدہ کیا ہے کہ ان کی حکومت تشدد میں ملوث افراد کو سزا دینے کیلئے قانون کے ہر ذرائع کا استعمال کرے گی۔ انہوں نے یقین دہانی کروائی کہ آنے والے ہفتوں میں ان کی حکومت ایسے قوانین منظور کرے گی جن کے ذریعے پولیس تفتیش کے دوران اکٹھے کئے گئے سی سی ٹی وی ثبوتوں کا بہتر استعمال کر سکے گی۔ وزیر اعظم کے مطابق آئر لینڈ نفرت اور اشتعال انگیزی سے متعلق اپنے قوانین میں جدت پیدا کرےگا۔