رنویر سنگھ، اکشے کھنہ اور سنجے دت کی اداکاری سے سجی فلم ’’دُھرندھر‘‘ ۵؍ دسمبر ۲۰۲۵ء کو سنیما گھروں میں ریلیز ہوئی اور ہندوستانی سنیما کی سب سے زیادہ کمائی کرنے والی فلم بن گئی۔ اس فلم نے ہندوستان میں ۸۰۰؍ کروڑ روپے جبکہ دنیا بھر کے باکس آفس پر تقریباً ۱۳۰۰؍ کروڑ روپے کمائے۔

 رنویر سنگھ، اکشے کھنہ اور سنجے دت کی اداکاری سے سجی فلم ’’دُھرندھر‘‘  ۵؍ دسمبر ۲۰۲۵ء کو سنیما گھروں میں ریلیز ہوئی اور ہندوستانی سنیما کی سب سے زیادہ کمائی کرنے والی فلم بن گئی۔ اس فلم نے  ہندوستان  میں ۸۰۰؍ کروڑ روپے جبکہ دنیا بھر کے باکس آفس پر تقریباً ۱۳۰۰؍ کروڑ روپے کمائے۔ اب، آٹھ ہفتوں کے تھیٹر ونڈو کے بعد  ’’دُھرندھر‘‘ زبردست چرچے کے ساتھ نیٹ فلکس پر اسٹریمنگ کے لیے دستیاب ہو گئی ہے۔

یہ بھی پڑھئے:پہلی فلم کے بعد چار سال تک دوسری فلم سائن کرنے پر پابندی تھی: اہان شیٹی

’’دُھرندھر‘‘ نیٹ فلکس پاکستان پر نمبر ون فلم
جب ’’دُھرندھر‘‘ سنیما گھروں میں ریلیز ہوئی تو کئی لوگوں نے اسے پاکستان مخالف پروپیگنڈا قرار دیا،  اس کے باوجود ہمسایہ ملک کے عوام نے اسے دیکھنے سے گریز نہیں کیا۔ ۲۰۱۹ء سے پاکستان کے سنیما گھروں میں ہندوستان  فلموں پر پابندی ہے، تاہم یہ فلمیں او ٹی ٹی پلیٹ فارمز پر دیکھنے کے لیے دستیاب ہیں۔اب جب  ’’دُھرندھر‘‘ نیٹ فلکس پر اسٹریمنگ ہو رہی ہے تو یہ پاکستان میں اس پلیٹ فارم پر نمبر ون فلم بن چکی ہے۔ مزید یہ کہ یہ پاکستان میں سب سے زیادہ پائریٹ کی جانے والی فلم بھی رہی ہے۔

یہ بھی پڑھئے:شکست کے باوجود جوکووچ نے میلبورن کے شائقین کے دل جیت لیے

 اس حوالے سے ایک سوشل میڈیا صارف نے لکھا ’’ پاکستان میں سب سے زیادہ پائریٹ ہونے والی فلم، اب نیٹ فلکس پر ٹاپ وَن  پر ٹرینڈ کر رہی ہے #DhurandharOnNetflix۔ اس پر ردِعمل دیتے ہوئے ایک اور صارف نے لکھا کہ ’’ آرٹسٹک مووی ہے، ہمیں کوئی مسئلہ نہیں ہے۔ ایک اچھی طرح لکھی گئی فلم کو سراہنے میں۔ مجھے آدتیہ دھر کا لکھنے کا انداز بہت پسند ہے، وہ بہترین ہیں۔ ‘‘ ایک اور صارف نے تبصرہ کیا کہ ’’ ہندوستان   اور پاکستان کے لوگ بھی عجیب ہیں۔ ہم ان کے ڈرامے دیکھتے ہیں اور وہ ہماری فلمیں۔‘‘ تیسرے صارف نے لکھا کہ  ’’ٹاپ۱۰؍ میں پہلی اور دوسری دونوں پوزیشنز بالی ووڈ کی فلمیں ہیں۔‘‘ چوتھے صارف نے لکھا کہ ’’ پاکستانی حکومت نے کہا ’بین کرو‘۔ عوام نے پائریٹ کر کے دیکھی۔ اب قانونی طور پر نیٹ فلکس پر نمبر وَن  پر اسٹریم ہو رہی ہے۔ آئرنی، جس کا نام ہے  ’’دُھرندھر‘‘۔  ’’دُھرندھر‘‘ کے علاوہ، دھنوش اور کریتی سینن کی فلم تیرے عشق میں بھی پاکستان میں نیٹ فلکس کی ٹاپ۱۰؍ فہرست میں شامل ہو چکی ہے۔ یہ فلم گزشتہ ہفتے پہلے نمبر پر تھی اور اس وقت دوسرے نمبر پر موجود ہے۔