اسرائیلی پبلک براڈکاسٹنگ کارپوریشن کے مطابق جنوبی اسرائیل کے شہر اشکیلون میں دو ہندوستانی شہریوں پر مبینہ طور پر منصوبہ بند حملہ کیا گیا۔ واقعے کا ویڈیو وائرل ہونے پر ہندوستان میں سیاسی ردِعمل ۔

اسرائیل کی سرکاری نشریاتی تنظیم اسرائیلی پبلک باڈکاسٹنگ کارپوریشن نے پیر کو اطلاع دی کہ جنوبی اسرائیل کے شہر اشکیلون میں دو ہندوستانی شہریوں پر حملہ کیا گیا۔ نشریات کے مطابق یہ واقعہ ایک ’’پہلے سے سوچا ہوا‘‘ حملہ تھا، تاہم فوری طور پر حملے کے وقت اور مکمل تفصیلات واضح نہیں ہو سکیں۔ نشریاتی ادارے کی جانب سے جاری ویڈیو میں مبینہ طور پر دیکھا جا سکتا ہے کہ ایک عوامی پارک میں کم از کم تین افراد کا گروپ دو افراد کو تشدد کا نشانہ بنا رہا ہے۔ عبرانی کیپشن میں دعویٰ کیا گیا کہ حملہ آوروں نے مبینہ طور پر پڑوس میں موجود ہندوستانی شہریوں کو نشانہ بنایا۔اشکیلون تل ابیب سے تقریباً ۵۰؍ کلومیٹر جنوب میں اور غزہ کی پٹی کی سرحد کے قریب واقع ہے۔

Yesterday, two Indian citizens were brutally attacked in Ashkelon, Israel.

It was a premeditated racist assault, planned over private chats. This is not the first such attack. And sadly, it may not be the last.

The government’s failure to generate adequate employment at home… pic.twitter.com/ZPFYcrrfj1

— Pawan Khera 🇮🇳 (@Pawankhera) February 18, 2026

ہندوستان میں سیاسی ردِعمل
بدھ لو کانگریس لیڈر پون کھیڑا نے سوشل میڈیا پر ویڈیو کلپ شیئر کرتے ہوئے وزیر خارجہ ایس جے شنکر سے معاملے کا فوری نوٹس لینے کا مطالبہ کیا۔ کھیڑا نے اپنے پوسٹ میں کہا کہ وزیر خارجہ کو متاثرہ افراد کی حالت کی تصدیق کرنی چاہیے اور اگر ضرورت ہو تو انہیں مناسب اور مفت طبی سہولت کی فراہمی یقینی بنانی چاہیے۔ انہوں نے یہ بھی دعویٰ کیا کہ یہ ’’اس نوعیت کا پہلا حملہ نہیں‘‘ ہے اور حکومت کو ہندوستانی شہریوں کے تحفظ کے لیے سنجیدہ اقدامات کرنے چاہئیں۔ کھیڑا نے مزید کہا کہ جب حکومت اسرائیل کے ساتھ دوستی کا جشن مناتی ہے اور ہندوستانی مزدوروں کو وہاں بھیجتی ہے تو ایسے واقعات پر خاموشی اختیار کرنا مناسب نہیں۔

یہ بھی پڑھئے: جب اسکی حمایت میں ہجوم اکٹھا ہوتا ہے تو جیل میں اسے طاقت ملتی ہے: عمرخالد کی ماں

حکومتی موقف کا انتظار
تاحال ہندوستانی وزارت خارجہ یا اسرائیلی حکام کی جانب سے اس واقعے پر باضابطہ تفصیلی بیان سامنے نہیں آیا۔ متاثرہ ہندوستانیوں کی شناخت اور طبی حالت کے بارے میں بھی واضح معلومات جاری نہیں کی گئیں۔ یہ واقعہ ایسے وقت میں سامنے آیا ہے جب مشرقِ وسطیٰ میں سیکوریٹی کی صورتحال پہلے ہی حساس ہے۔ ماہرین کا کہنا ہے کہ بیرون ملک کام کرنے والے ہندوستانی کارکنوں کے تحفظ کے لیے دونوں ممالک کے درمیان قریبی رابطہ اور فوری سفارتی اقدامات ضروری ہیں۔