برطانیہ میں قائم فلسطین ایکشن نیٹ ورک کے کارکنوں نے برطانیہ میں ویسٹ یارکشائر میں امریکی ملکیت والی ٹیلیڈین فیکٹری پرقبضہ کیا ہے۔ یہ کمپنی امریکہ کو ہتھیاروں کے پرزے فراہم کرتی ہے جو غزہ جنگ میں اسرائیلی فوج استعمال کرر ہی ہے۔

برطانیہ میں قائم فلسطین ایکشن نیٹ ورک کے کارکنوں نے برطانیہ میں ویسٹ یارکشائر میں امریکی ملکیت والی ٹیلیڈین فیکٹری پرقبضہ کیا ہے کیونکہ یہ فیکٹری اسرائیلی فوج کے ہتھیاروں کیلئے کل پرزے تیار کر تی ہے۔

The police look on seemingly helpless while a crime takes place by a Palestine Action extremist. I don’t blame him. Why bother risking life and limb when the courts will just let the thug off with a lenient sentence. We are weak and this will get worse. pic.twitter.com/8OCoFPaF0U

— Heidi Bachram 🎗️ (@HeidiBachram) April 2, 2024

تصاویر میں دکھایا گیا ہے کہ گروپ کا ایک کارکن چھت پر چڑھ کر اسے ہتھوڑے سے نقصان پہنچا رہا ہے اور ہر ضرب کے ساتھ یہ نعرہ لگا رہا ہے’’جبری فاقہ کشی کیلئے، نسل کشی کیلئے، خواتین کی اجتماعی عصمت دری کیلئے ، گرجا گھروں پر بمباری کیلئے ، مساجد پر بمباری کیلئے ۔‘‘
علیحدہ فوٹیج میں ایک اور کارکن کو کھڑکیوں کے شیشے توڑتے اور ٹیلی ڈین ڈیفنس اینڈ اسپیس سائٹ کی چھت کو نقصان پہنچاتے ہوئے دیکھا جا سکتا ہے۔مظاہرین نے بعد میں فلسطینی پرچم لہرایا اور چھت پر’’آزاد فلسطین‘‘ کے نعرے بھی لگائے۔
 گروپ نے ایک بیان میں کہاکہ ’’حفاظتی حصار کی خلاف ورزی کرتے ہوئے، کارکنوں نے چھت پر قبضہ کیلئے فیکٹری کو مقفل کر دیا جس سے سائٹ کو زبردستی بند کر نا پڑا اور کمپنی کو غزہ کی نسل کشی میں استعمال ہونے والے ہتھیاروں کے پرزوں کی کھیپ کو پورا کرنے سے قاصر کیاگیا۔‘‘
فلسطین ایکشن نے کہا کہ اس سائٹ کو ۲۰۰۹ءسے ۲۰۱۴ء تک اسرائیل کو ہتھیاروں کی برآمد کیلئے کم از کم ۸۶؍ لائسنس دیئے گئے تھے۔ٹیلیڈائن برطانیہ کا اسرائیل کو ہتھیاروں کا سب سے بڑا برآمد کنندہ ہے۔
گروپ نے کہا کہ’’ ۲۰۰۹ءسے ۲۰۲۰ء میں ہتھیاروں اوراسلحہ کے پرزہ جات کی فرہمی کیلئے ۲۰۰؍ بر آمدی لائسنسوں کی ایک بڑی تعدادامریکہ کیلئےتھی جہاں سے حتمی طور پر تیار ہونے والی مصنوعات اسرائیل ہی بر آمد کی گئی ۔‘‘بیان میں کہا گیا ہے کہ ٹیلیڈائن یو اے وی، طیاروں کیلئے پرزے تیار کرتا ہے جن میں خاص طور پر لڑاکا طیاروں میں نصب ہونے والے فلٹرز اور ملٹی فنکشنر ریڈار سسٹمز شامل ہیں ۔‘‘
’’ٹیلیڈائن،مقبوضہ مغربی کنارے اور غزہ کی سرحدوں کے ارد گرد فوجی ایپلی کیشنز اور ریڈار ٹیکنالوجیز کے لئے امیج سینسرز بھی تیار کرتی ہے جبکہ ۱۹۷۳ءتک اسرائیل کو مسلح یو اے وی بھی فراہم کرتی تھی۔یہ پہلا موقع نہیں ہے کہ فلسطین ایکشن نے ٹیلی ڈین سائٹ پر حملہ کیا ہو۔ اس نے ۲۰۲۲ء میں پریسٹیگن  ٹیلیڈائن لیب ٹیک ویلز کو ختم کر دیا تھا جس سے فیکٹری کو۳ء۱ ملین امریکی ڈالر کا نقصان ہوا تھا۔