اسرائیلی حملوں میں اب تک۵۸؍ ہزار سے زائد فلسطینی شہید جبکہ ایک لاکھ۳۸؍ ہزار سے زیادہ زخمی ہوچکے ہیں۔

غزہ پرقابض اسرائیلی فوج کی جانب سے ظلم و جارحیت کا سلسلہ جاری ہے۔ اس سلسلے میں تازہ حملے میںوہاں کی ایک مصروف مارکیٹ اور پانی کی تقسیم کے مرکز کو ٹارگٹ کیا گیا، جس کے باعث مجموعی طور پر کم از کم ۱۷؍ بچے شہید ہوگئے۔ یہ بچے پانی کیلئے قطار میں کھڑے تھے۔عرب میڈیا کے مطابق غزہ میں سنگین صورتحال ایندھن کی کمی کی وجہ سے اقوامِ متحدہ کی ۸؍ مختلف ایجنسیوں نے اپنے آپریشنز بند کردیئے ہیں۔اقوام متحدہ کے ادارے ’انروا‘ کے مطابق غزائی کمی کا شکار ایک اور نومولود دم توڑ گیا۔
 دوسری جانب اسرائیلی لیڈر حزبِ اختلاف یائر لاپڈ نے غزہ کے علاقے رفح میں کیمپ کے قیام کی مخالفت کرتے ہوئے اسے ایسا کنسٹریشن کیمپ قرار دیا ہے جہاں سے نکلنے کی فلسطینیوں کو اجازت نہیں ہوگی۔غزہ کی وزارتِ صحت نے بتایا کہ۵۸؍ ہزار سے زائد فلسطینی اسرائیل کی جانب سے مسلط کردہ جنگ میں شہید ہوچکے ہیں جبکہ اس جنگ میں زخمی ہونے والے فلسطینیوں کے تعداد ایک  لاکھ۳۸؍ ہزار۵۲۰؍ ہے۔