لبنان کے وزیر اقتصادیات امین سلام نے کہا کہ اسرائیلی جارحیت کے سبب لبنان کو ۱۵؍ سے ۲۰؍ بلین ڈالر کا نقصان ہوا ہے۔ اس کی تعمیر نو کیلئے پہلے مرحلے میں ۳؍ سے ۵؍ بلین ڈالر درکار ہوں گے۔

لبنان کے وزیر اقتصادیات اور تجارت نے کہا ہے کہ اسرائیلی حملے سے لبنان کے اہم شعبوں میں ۱۵؍ سے ۲۰؍ بلین ڈالر کے درمیان نقصان کا تخمینہ لگایا گیا ہے۔ اسرائیل اور لبنان کے درمیان جنگ بندی کے بعد انادولو کے ساتھ ایک انٹرویو میں امین سلام نے جمعہ کو اس تنازع کے شدید اثرات پر روشنی ڈالی، جس نے ۴ء۱؍ ملین افراد کو بے گھر کیا اور وسیع پیمانے پر تباہی مچائی۔ جنگ بندی کی شرائط کے تحت اسرائیل اپنی افواج کو بلیو لائن ڈی فیکٹو بارڈر کے جنوب سے مرحلہ وار واپس بلائے گا جبکہ لبنانی فوج ۶۰؍ دنوں کے اندر جنوبی لبنان میں اپنی فوجیں تعینات کرے گی۔ معاہدے پر عمل درآمد کی نگرانی امریکہ اور فرانس کریں گے۔ لبنانی محکمہ صحت کے حکام کے مطابق، گزشتہ سال اکتوبر سے لبنان میں اسرائیلی حملوں میں ۳؍ ہزار ۹۶۰؍ سے زائد افراد ہلاک اور ۱۶؍ ہزار ۵۰۰؍ سے زائد زخمی ہو چکے ہیں۔

Beirut’s Southern Suburb, Lebanon. pic.twitter.com/DCAB63tHSJ

— TIMES OF GAZA (@Timesofgaza) November 16, 2024

امین سلام نے وضاحت کی کہ ۱۷؍ ستمبر کو نقصانات کا تخمینہ تقریباً ۱۰؍ بلین ڈالر تھا، جس نے بنیادی طور پر سیاحت اور زراعت کو متاثر کیا تھا۔ تاہم، شدید حملوں کے ساتھ، تقریباً ۵؍ لاکھ لبنانیوں نے بڑے پیمانے پر نقل مکانی، بنیادی ڈھانچے کو پہنچنے والے نقصان، اور سیاحت کے شعبے میں مکمل تعطل کی وجہ سے اپنی ملازمتیں کھو دیں۔ وزیر نے نوٹ کیا کہ تنازع کے عروج کے دوران روزانہ کا معاشی نقصان سیکڑوں ملین ڈالر تک پہنچ گیا، جس کی وجہ سے نقصانات کے تخمینے کی تکمیل میں رکاوٹ پیدا ہوئی۔ امین سلام نے بنیادی ڈھانچے کی تعمیر نو اور معیشت کی بحالی ککیلئے ۱۵؍ سے ۲۰؍ بلین ڈالر کی ضرورت پر زور دیا۔ انہوں نے کہا کہ ’’ہم سب سے زیادہ توجہ تمام لبنانی عوام کے اتحاد پر کام کرنے پر مرکوز رکھیں گے اور اگر ہم اعتماد اور شفافیت کی عکاسی کریں گے تو تمام ممالک بشمول عرب ممالک، امریکہ، یورپ، ترکی، لبنان کے تمام دوست اور اتحادی بہت اچھے ہوں گے۔ لبنان کی حمایت کیلئے ہمہ وقت تیار رہیں گے۔‘‘

یہ بھی پڑھئے: سنیتا ولیمز نےآئی ایس ایس سےخصوصی ویڈیو شیئر کرکے لوگوں کا شکریہ ادا کیا

واضح رہے کہ اکتوبر ۲۰۲۲ء میں مشیل عون کی مدت ختم ہونے کے بعد سے لبنان صدر کے بغیر ہے۔ سیاسی اختلافات نے جانشین کا انتخاب روک دیا ہے، جس سے بین الاقوامی حمایت حاصل کرنے کی کوششیں پیچیدہ ہو گئی ہیں۔ امین سلام نے لبنانی فوج کی حمایت کی اہمیت پر بھی زور دیا، اور کہا کہ انہیں اقوام متحدہ کی سلامتی کونسل کی قرارداد ۱۷۰۱؍ پر عملدرآمد کو ترجیح دینی چاہئے، جس کیلئے لبنانی فوج کے لیے بڑی مالی امداد کی ضرورت ہوگی۔ وزیر نے اندازہ لگایا کہ تعمیر نو کے پہلے مرحلے میں ۳؍ سے ۵؍ بلین ڈالر درکار ہوں گے، جس میں بے گھر افراد کو دوبارہ آباد کرنے، معاشی سرگرمیوں کو بحال کرنے اور فوری ضروریات کو پورا کرنے پر توجہ دی جائے گی۔