ریاست میں آئی ٹی آئی کے ۲؍ لاکھ طلبہ کو ڈیزاسٹرمینجمنٹ کی تربیت دی جائے گی۔ ہنر، روزگار، انٹرپرینیورشپ اور اختراع محکمہ کے وزیر منگل پربھات لودھا نے یہ اعلان کیا ہے۔

ریاست میں آئی ٹی آئی کے ۲؍ لاکھ طلبہ کو ڈیزاسٹرمینجمنٹ کی تربیت دی جائے گی۔ ہنر، روزگار، انٹرپرینیورشپ اور اختراع محکمہ کے وزیر منگل پربھات لودھا نے یہ اعلان کیا ہے۔ ڈیزاسٹر مینجمنٹ میں طویل تجربہ رکھنے والی ’انیرودھا اکیڈمی آف ڈیزاسٹر مینجمنٹ‘ اور اسکل ڈپارٹمنٹ کے تحت ڈائریکٹوریٹ آف ووکیشنل ایجوکیشن اینڈ ٹریننگ کے درمیان بدھ کو ایک قرار داد (ایم او یو) پر دستخط کئے گئے۔ اس موقع پر منگل پربھات لودھا نے کہا کہ کوئی بھی آفت بغیر وارننگ کے نہیں آتی، چاہے وہ آفت انسان کی بنائی ہوئی ہو یا قدرتی، ایسی صورت حال میں انسانی حفاظت کو ترجیح دے کر اور اس میں نوجوانوں کی شرکت کو بڑھا کر ضلعی ڈیزاسٹر مینجمنٹ کے ساتھ تعاون کے لئے ڈیزاسٹر ریسکیو میکنیزم بنایا جا سکتا ہے۔ انہوں نے یہ بھی کہا کہ ہر شہری کو ڈیزاسٹر مینجمنٹ اور بچاؤ کے کام کی تربیت دی جانی چاہئے۔ انیرودھ اکیڈمی آف ڈیزاسٹر مینجمنٹ کے چیف ایگزیکٹیو آفیسر سنیل منتری نے بتایا کہ اکیڈمی ریاست کے ۴۱۹؍ سرکاری آئی ٹی آئی کے طلبہ کو آفات سے نمٹنے کی مفت تربیت دے گی۔