ٹی۔ ۲۰؍ورلڈ کپ ۲۰۲۶ءکے ۴۰؍ویں میچ میں کرکٹ کی عالمی طاقت آسٹریلیا کا مقابلہ عمان سے ہوگا۔ اگرچہ دونوں ٹیمیں ٹورنامنٹ سے باہر ہو چکی ہیں لیکن آسٹریلیا کیلئے یہ میچ اپنی کھوئی ہوئی ساکھ بحال کرنے کا موقع ہے۔

ٹی۔ ۲۰؍ورلڈ کپ ۲۰۲۶ءکے ۴۰؍ویں میچ میں کرکٹ کی عالمی طاقت آسٹریلیا کا مقابلہ عمان سے ہوگا۔ اگرچہ دونوں ٹیمیں ٹورنامنٹ سے باہر ہو چکی ہیں لیکن آسٹریلیا کیلئے یہ میچ اپنی کھوئی ہوئی ساکھ بحال کرنے کا موقع ہے، جبکہ عمان ایک ناممکن نظر آنے والے الٹ پھیر کے ذریعے تاریخ رقم کرنے کی کوشش کرے گا۔ آئرلینڈ کے خلاف اچھی شروعات کے بعد زمبابوے اور سری لنکا سے شکست نے آسٹریلیا کے ورلڈ کپ مہم کا خاتمہ کر دیا۔ ٹریوس ہیڈ اور مچل مارش کی اوپننگ جوڑی پاور پلے میں تباہ کن ثابت ہو سکتی ہے۔ مڈل آرڈر میں ٹم ڈیوڈ، مارکس اسٹوئنس اور کیمرون گرین جیسے ہارڈ ہٹرز موجود ہیں۔ 
ہیزل ووڈ اور پیٹ کمنز کی انجری نے آسٹریلوی اٹیک کو کمزور کیا ہے، تاہم ایڈم زمپا کی اسپن بولنگ مڈل اوورز میں کلیدی کردار ادا کرے گی۔ ناتھن ایلس اور زیویئر بارٹلیٹ سے پیس اٹیک سنبھالنے کی امید ہے۔ عمان کا سفر اب تک کافی مشکل رہا ہے اور وہ گروپ’ بی‘ میں چوتھے نمبر پر ہیں۔ کپتان جتیندر سنگھ اور عامر کلیم ٹیم کے اہم ستون ہیں۔ حماد مرزا اور ونایک شکلا سے بھی ذمہ دارانہ بیٹنگ کی توقع ہے۔ عمان کی بولنگ اب تک بے اثر رہی ہے، جہاں زیادہ تر گیندباز نے ۱۰؍ سے زائد کی اکانومی سے رن دئیے ہیں۔ شکیل احمد (۳؍ وکٹیں ) اب تک کے سب سے کامیاب گیندبازرہے ہیں۔