افغانستان کا دارلحکومت کابل رواں ماہ میں تیسری بار دھماکوں سے گونج اُٹھا، اس بار دو الگ الگ مقامات پر دو گاڑیوں کو نشانہ بنایا گیا ہے۔ایک نیوز ایجنسی کے مطابق افغانستان کے دارالحکومت میں یکے بعد دیگرے دو دھماکے سنے گئے، دونوں دھماکے الگ الگ مقامات پر ہوئے تاہم یہ دونوں مقامات ایک دوسرے سے بالکل قریب ہونے کی وجہ سے دھماکوں کی آواز سے دونوں علاقوں میں بیک وقت خوف و ہراس پھیل گیا۔

 افغانستان کا دارلحکومت کابل  رواں ماہ میں تیسری بار دھماکوں سے گونج اُٹھا، اس بار دو الگ الگ مقامات پر دو گاڑیوں کو نشانہ بنایا گیا ہے۔ایک نیوز ایجنسی کے مطابق افغانستان کے دارالحکومت میں یکے بعد دیگرے دو دھماکے سنے گئے، دونوں دھماکے الگ الگ مقامات پر ہوئے تاہم یہ دونوں مقامات ایک دوسرے سے بالکل  قریب ہونے کی وجہ سے دھماکوں کی آواز سے دونوں علاقوں میں بیک وقت خوف و ہراس پھیل گیا۔
 پہلے دھماکے میں ایک گاڑی کو نشانہ بنایا گیا جس سے کار مکمل طور پر تباہ ہوگئی اور کار میں سوار چاروں افراد کو شدید زخمی حالت میں اسپتال پہنچایا گیا جہاں چاروں کی حالت نازک بتائی جارہی ہے۔دوسرا دھماکہ ایک مرکزی شاہراہ پر ہوا جس میں ۳؍ افراد کے زخمی ہونے کی اطلاع ہے۔ دھماکوں کے بعد  یہاںبھگدڑ  مچ گئی جس میںکے باعث درجنوں افراد زخمی ہوگئے اور کئی گاڑیاں آپس میں ٹکرا گئیں۔ علاقے کے دو بڑے اسپتالوں میں ۱۲؍ سے زائد راہگیروں کو زخمی حالت میں لایا گیا ہے۔کابل پولیس کا کہنا ہے کہ دونوں دھماکے بارودی سرنگ کے تھے جسے ریموٹ کنٹرول ڈیوائس کے ذریعے اُڑایا گیا  تھاتاہم ابھی یہ واضح نہیں ہوسکا ہے کہ حملے کا ہدف کون لوگ تھے۔ تاحال کسی گروپ نے دھماکوں کی ذمہ داری قبول نہیں کی ہے۔واضح رہے کہ کابل میں رواں ماہ میں ہونے والا یہ تیسرا بڑا دھماکہ ہے۔ ادھر  دوحہ میں طالبان اور افغان حکومت کی مذاکراتی ٹیموں کے درمیان  جاری مذاکرات میں امریکی وزیر خارجہ مائیک پومپیو کی مداخلت کے باوجود تاحال کوئی پیش رفت  نہیں ہوسکی ہے اور کابل میں پُرتشدد واقعات میں اضافہ ہو گیا ہے۔  واضح رہے کہ طالبان کے علاوہ افغانستا ن  میں داعش بھی سرگرم ہے ۔ اس سے پہلے کابل یونیورسٹی پر ہوئے حملے اور کابل شہر میں ڈرون حملوں کی ذمہ داری داعش ہی نے لی تھی۔ ماہرین کے مطابق داعش کا کام یہاں دھماکوں کے ذریعے  مذاکرات کو ناکام بنانا ہے۔