بالی ووڈ کی مشہور اداکارہ کنگنا رناوت نے کہا کہ اگر بھگوان کرشنا کی مرضی ہوئی تومیں لوک سبھا الیکشن لڑوں گی۔ خیال رہے کہ حال ہی میں کنگنا کی فلم ’’تیجس‘‘ ریلیز ہوئی ہے۔ انہوں نے ایودھیا میں بی جے پی حکومت کی تعریف کی اور کہا کہ بی جے پی کی وجہ سے ۶۰۰؍ سال کی جدوجہد کے بعد یہ دن ہندوستانیوں کو دیکھنا ممکن ہوا ہے۔

بالی ووڈاداکارہ کنگنا رناوت نےسیاست میںشامل ہونے کا اشارہ دیتے ہوئے کہا ہے کہ اگر بھگوان کرشنا کی مرضی ہوئی تو وہ اگلا لوک سبھا الیکشن لڑیں گی۔ خیال رہے کہ انہوں نے گجرات میں مشہور دوار کا دھش مندر میں پوجا کے بعد یہ بات کہی ہے۔جب رپورٹرس نے ان سے سوال کیا کہ کیا وہ لوک سبھا الیکشن لڑیں گی تو انہوں نے کہا کہ اگر بھگوان کرشنا کی مرضی ہوئی تو وہ لوک سبھا الیکشن لڑیں گی۔ انہوں نے ’’۶۰۰؍ سال کی جدوجہد کے بعد‘‘ بی جے پی کی اقتداروالی حکومت کی ایودھیا میں بھگوان کرشنا استھاپنا کو ممکن بنانے پر پذیرائی بھی کی۔
انہوں نے بی جے پی کی تعریف کرتے ہوئے کہا کہ بی جےپی حکومت کی وجہ سے ہی ہم ہندوستانیوں کو ۶۰۰؍ سال بعد یہ دن دیکھنا نصیب ہوا ہے۔ ہم اس مندر کو بڑے جشن کے ساتھ قائم کریں گے۔ سناتن دھرم کا جھنڈا دنیا بھر میں لہرایا جائےگا۔ انہوں نے حکومت پر زور دیاکہ وہ ایسی سہولت فراہم کرے کہ بھکت دوارکاشہر کی باقیات کو دیکھ سکیں جو غر ق آب ہوگئی تھی۔انہوں نے دوارکا کے تعلق سے کہا کہ دوارکا ایک مقدس شہر ہے۔ یہاں جو بھی چیز ہے، سبھی کمال کی ہے۔ وہاں کی ہر چیز پر دوارکادھش موجو دہے۔جب ممکن ہوتا ہے مَیں یہاں آنے کی کوشش کرتی ہوں۔مَیں چاہتی ہوں کہ حکومت یہ سہولت بھی فراہم کرے کہ لوگ زیر آب جا کر اس شہر کی باقیات بھی دیکھ سکیں۔انہوں نے اپنی آنے والی فلم کے تعلق سے بھی بات چیت کی جن میں ایمرجنسی بھی شامل ہے جس کی ہدایتکاری اور پروڈیوسر وہی ہیں۔