کرناٹک کے نائب وزیرِ اعلیٰ ڈی کے شیوکمار نے سبکدوش ہونے والے وزیرِ اعلیٰ سدارامیا کے حق میں ایک جذباتی پیغام جاری کرتے ہوئے انہیں کانگریس کا طاقت کا ایک مضبوط ستون قرار دیا۔

کرناٹک کے نائب وزیرِ اعلیٰ ڈی کے شیوکمار نے جمعہ کے روز سبکدوش ہونے والے وزیرِ اعلیٰ سدارامیا کے حق میں ایک جذباتی پیغام جاری کرتے ہوئے انہیں کانگریس کا طاقت کا ایک مضبوط ستون  قرار دیا۔ ان کے اس بیان کو ریاست میں متوقع قیادت کی تبدیلی کے تناظر میں خاص اہمیت دی جا رہی ہے۔

یہ بھی پڑھئے : شروتی شرما مشہور شو’’آفس آفس سیزن۲‘‘ میں نیا مرکزی کردار ادا کریں گی

گورنر تھاورچند گہلوت کی جانب سے سدارامیا کا استعفیٰ قبول کیے جانے کے چند گھنٹوں بعد شیوکمار نے سوشل میڈیا پر ایک پوسٹ کے ذریعے سابق وزیرِ اعلیٰ کی ستائش کی۔ انہوں نے ایک معروف کہاوت کا حوالہ دیتے ہوئے لکھاکہ ’’اگر آپ تیزی سے چلنا چاہتے ہیں تو اکیلے چلیں، لیکن اگر آپ دور تک جانا چاہتے ہیں تو مل کر چلیں۔ سیاسی مبصرین اس پیغام کو اقتدار کی منتقلی کے دوران اتحاد اور ہم آہنگی کا اشارہ قرار دے رہے ہیں۔
شیوکمار کا یہ بیان سیاسی حلقوں اور سوشل میڈیا پر تیزی سے زیرِ بحث آ گیا۔ ان کے حامیوں نے انہیں سدارامیا کا فطری جانشین قرار دیا، جب کہ کانگریس قیادت نے اس موقع پر گروہ بندی کے بجائے اتحاد کا پیغام دینے کی کوشش کی۔ڈی کے شیوکمار نے سدارامیا کے دیہی میسور سے وزیرِ اعلیٰ کے منصب تک پہنچنے کے سفر کو ثابت قدمی، عزم اور سماجی انصاف سے وابستگی کی ایک بہترین مثال قرار دیا۔ انہوں نے کہاکہ جب سے ۲۰۲۰ء میں مجھے ریاستی کانگریس صدر کی ذمہ داری سونپی گئی، اُس وقت سے سدارامیا جی ہمیشہ ایک مضبوط ستون کی طرح میرے ساتھ کھڑے رہے۔

یہ بھی پڑھئے : شروتی شرما مشہور شو’’آفس آفس سیزن۲‘‘ میں نیا مرکزی کردار ادا کریں گی

انہوں نے اس اشتراکِ عمل پر بھی زور دیا جس کی بدولت کانگریس کرناٹک میں دوبارہ اقتدار حاصل کرنے میں کامیاب ہوئی۔ سیاسی تجزیہ کاروں کے مطابق، یہ پیغام کانگریس قانون ساز پارٹی کے اجلاس سے قبل سدارمیا کے حامیوں کے لیے احترام اور سیاسی حکمتِ عملی دونوں کا مظہر ہے۔ اسی دوران سدارامیا نے نئی دہلی میں کانگریس صدر ملکارجن کھرگے اور لوک سبھا میں قائدِ حزبِ اختلاف راہل گاندھی سے ملاقات کی، جس میں اقتدار کی منتقلی، نئی کابینہ کی تشکیل اور آئندہ سیاسی ذمہ داریوں پر تبادلۂ خیال کیا گیا۔