فرقہ وارانہ ہم آہنگی کا مظاہرہ کرتےہوئے کیرالا کے ملاپور ضلع میں عید کے موقع پر ایک چرچ نے مسلمانوں کیلئے نماز کی ادائیگی کیلئے اپنے دروازے کھولے۔ چرچ کے پادری ایف آر مسلامانی نے چرچ کمیٹی کے اس اقدام پر خوشی کا اظہار کیا اور محبت اور اتحاد کی اہمیت پر زور دیا۔

فرقہ وارانہ ہم آہنگی کا مظاہرہ کرتے ہوئے کیرالا کے ملاپورضلع میں عید کے موقع پر ایک چرچ کے دروازے مسلمانوں کیلئے نماز اداکرنے کیلئے کھلےہوئےتھے۔ آج عید کےموقع پر سیکڑوں افراد مانجیری میں نکولس میموریل سی ایس آئی چرچ کے سامنے کشادہ میدان میں جمع ہوئے تھے۔ مانجیری  میں جوائنٹ عید کمیٹی کی جانب سے منعقد عید کی نماز میں شرکت کیلئے مسلمان جمع ہوئے تھے۔خیال رہے کہ نماز کیلئے چرچ کے دروزے کھولنے کا اقدام سرکاری یو پی اسکول کے گراؤنڈ کو بند کرنے کے بعد سامنے آیا ہےجہاں عام طور پر عید کی نماز ادا کی جاتی تھی۔اسکول کے گراؤنڈ کو بند کرنے کا فیصلہ لوک سبھا انتخابات کی تیاریوں کی وجہ سے لیا گیاہے۔

یہ بھی پڑھئے: دہلی: میٹرو اسٹیشن پر افطار لے جارہے مسلم شخص کو سی آئی ایس ایف کے جوانوں نے زدوکوب کیا

ایف آر مسلامانی ، جو چرچ کےپاردی ہیں، نے اس خاص موقع پر مسلم طبقے کی مہمان نوازی پر خوشی کا اظہار کیا اور فرقہ وارانہ ہم آہنگی کے دوران محبت اور اتحاد کی اہمیت پر زور دیا۔عبدل علی، جو عید کمیٹی کے ممبر ہیں، نے بھی اس سرگرمی کی پذیرائی کرتے ہوئے کہا کہ اس طرح کا مثبت رویہ ظاہر کرتاہے کہ مسلمان آپس میں یک جہتی پر زور دیتے ہیں۔